കൊച്ചി: ബലാൽസംഗ കേസില്‍ പ്രതിയായ നടനും നിര്‍മാതാവുമായ വിജയ് ബാബുവിനെ താര സംഘടനയായ ‘അമ്മ’യുടെ നിർവാഹക സമിതിയിൽ നിന്നും ഒഴിവാക്കി. കേസ് തീരും വരെ വിജയ് ബാബുവിനെ നിർവാഹക സമിതിയിൽ നിന്ന് മാറ്റിനിർത്താനാണ് തീരുമാനം.
പീഡന പരാതി ഉയർന്നതിനെ തുടർന്ന് നിരപരാധിത്വം തെളിയുംവരെ മാറ്റി നിർത്തണമെന്ന് വിജയ് ബാബു തന്നെ ‘അമ്മ’ സംഘടനക്ക് മെയിൽ അയച്ചിരുന്നു. ഇതേ തുടർന്നാണ് കൊച്ചിയിൽ ഇന്ന് ചേർന്ന ‘അമ്മ’ നിർവാഹക സമിതി യോഗം തീരുമാനം എടുത്തത്.
അതേസമയം, ഇക്കാര്യത്തിൽ അമ്മയുടെ ഔദ്യോഗിക വാർത്താക്കുറിപ്പ് പുറത്തുവന്നിട്ടില്ല. നടനെതിരെ നടപടി വേണമെന്ന് നടി ശ്വേതാ മേനോൻ ചെയർപേഴ്‌സണായ ഇന്റേർണൽ കംപ്‌ളൈൻസ് കമ്മിറ്റി ശുപാർശ ചെയ്‌തിരുന്നു. അമ്മയിലെ എക്‌സിക്യൂട്ടീവ് കമ്മിറ്റി അംഗമായ വിജയ് ബാബുവിനെ സസ്‌പെൻഡ് ചെയ്യുകയോ തരം താഴ്‌ത്തുകയോ ചെയ്യണമെന്നായിരുന്നു കമ്മിറ്റിയുടെ ആവശ്യം.
അതിനിടെ, കേസിൽ വിജയ് ബാബു ഇതുവരെ പോലീസിന് മുന്നില്‍ കീഴടങ്ങിയിട്ടില്ല. അതിനിടെ നടന്‍ സമര്‍പ്പിച്ച മുന്‍കൂര്‍ ജാമ്യാപേക്ഷ പരിഗണിക്കുന്നത് ഹൈക്കോടതി മാറ്റിവച്ചു. ഹരജി വേനലവധിക്ക് ശേഷം പരിഗണിക്കാമെന്നാണ് ഹൈക്കോടതി വ്യക്‌തമാക്കിയിരിക്കുന്നത്. മെയ് 16 വരെയാണ് വേനലവധി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
