ചെന്നൈ: തമിഴ്‌നാട്ടില്‍ ആരാധക സംഘടനയുടെ പേരില്‍ വിജയ് രാഷ്‌ട്രീയ പാര്‍ട്ടി രജിസ്‌റ്റര്‍ ചെയ്യുന്നതായി പുറത്തു വന്ന വാര്‍ത്തകള്‍ തള്ളി വിജയ്‌യുടെ വക്‌താവ് റിയാസ് അഹ്‌മദ്. രാഷ്‌ട്രീയ പാര്‍ട്ടി രജിസ്‌റ്റര്‍ ചെയ്യുന്നതിനായി വിജയ്‌യുടെ പിതാവ് എസ്എ ചന്ദ്രശേഖരന്‍ തിരഞ്ഞെടുപ്പ് കമ്മീഷന് അപേക്ഷ നല്‍കി എന്നായിരുന്നു നേരത്തെ പുറത്തു വന്ന വര്‍ത്തകള്‍.
എന്നാല്‍ വാര്‍ത്തകള്‍ വ്യാജമാണെന്നും വിജയ് രാഷ്‌ട്രീയ പാര്‍ട്ടി രൂപീകരിക്കാന്‍ തീരുമാനിച്ചിട്ടില്ലെന്നും വിജയ്‌യുടെ പിആര്‍ഒ റിയാസ് അഹ്‌മദ് ട്വിറ്റര്‍ ഹാന്‍ഡിലിലൂടെ വിവരിച്ചു.
#BREAKING: அரசியல் கட்சி தொடங்குகிறார் நடிகர் விஜய்
* கட்சியின் பெயரை, தலைமை தேர்தல்
ஆணையத்தில் பதிவு செய்தார் விஜய் என்ற செய்தி தவறானது
The news spreading about ” #ThalapathyVijay political party registered today ” is untrue pic.twitter.com/sLrxqBNmiz— RIAZ K AHMED (@RIAZtheboss) November 5, 2020
എസ്എ ചന്ദ്രശേഖരറിന്റെ പേരാണ് പാര്‍ട്ടിയുടെ ജനറല്‍ സെക്രട്ടറിയുടെ സ്‌ഥാനത്ത് നല്‍കിയിരിക്കുന്നത് എന്നാണ് വാര്‍ത്തകളില്‍ പറഞ്ഞിരുന്നത്. എസ്എ ചന്ദ്രശേഖരറിന് പുറമേ ട്രഷററായി വിജയ്‌യുടെ മാതാവ് ശോഭ ചന്ദ്രശേഖരന്‍, പ്രസിഡന്റായി ബന്ധു പത്‌മനാഭന്‍ എന്നിവരുടെ പേരുമാണ് നല്‍കിയിരിക്കുന്നത്. കൂടാതെ പാര്‍ട്ടിക്ക് ‘അഖിലേന്ത്യ ദളപതി വിജയ് മക്കള്‍ ഇയക്കം’ എന്ന പേരാണ് നല്‍കിയിരിക്കുന്നത് എന്നൊക്കെയായിരുന്നു റിപ്പോര്‍ട്ട്.
എന്നാല്‍ ഈ വാര്‍ത്തകള്‍ തെറ്റാണെന്ന് അവകാശപ്പെട്ടാണ് വിജയ്‌യുടെ പിആര്‍ഒയുടെ ഔദ്യോഗിക പ്രതികരണം ഉണ്ടായിരിക്കുന്നത്.
Read Also: വനിതാ ടി-20 ചലഞ്ച്; വെലോസിറ്റിക്കെതിരെ അനായാസ ജയം സ്വന്തമാക്കി ട്രെയല്‍ ബ്‌ളെയ്സേഴ്‌സ്
