സോഷ്യൽ മീഡിയയിൽ വളരെ പെട്ടന്ന് വൈറലാകുന്ന വീഡിയോകളിൽ ഏറ്റവും മുന്നിൽ തന്നെയാണ് വളർത്തു മൃഗങ്ങളെക്കുറിച്ച് പങ്കുവക്കപ്പെടുന്ന വിശേഷങ്ങൾ. വളർത്തു മൃഗങ്ങളുടെ കുസൃതി നിറഞ്ഞ വീഡിയോകൾ ഏതൊരാളെയും അൽപസമയം പിടിച്ചിരുത്തുമെന്ന് ഉറപ്പ്. അത്തരത്തിൽ വൈറലായ ഒരു വീഡിയോയെ കുറിച്ചാണ് ഇപ്പോൾ പറയുന്നത്.
ഒരു പൂച്ചയും പട്ടിക്കുട്ടിയും തമ്മിലുള്ള രസകരമായ വീഡിയോ ആണ് വൈറലാകുന്നത്. ഉടമസ്ഥൻ നിർമ്മിച്ചു നൽകിയ കൂടിനകത്താണ് നാല് മാസം പ്രായമുള്ള പൂച്ചയും രണ്ട് മാസം പ്രായമുള്ള പട്ടിക്കുട്ടിയും ഉള്ളത്. കൂട്ടിൽ നിന്ന് പുറത്തു കടക്കാൻ പട്ടിക്കുട്ടി ശ്രമിക്കുമ്പോൾ പൂച്ച അതിന് അനുവദിക്കാതെ ഇരിക്കുന്നതാണ് വീഡിയോ. ചൈനയിൽ നിന്നാണ് രസകരമായ ഈ വീഡിയോ പോസ്റ്റ് ചെയ്തിരിക്കുന്നത്.
Also Read: വധുവിനെ ആവശ്യമുണ്ട്; നിബന്ധന കേട്ട് ചിരിച്ച് സോഷ്യൽ മീഡിയ
പട്ടിക്കുട്ടി പുറത്തേക്ക് പോകാനായി തിരിയുമ്പോഴേക്ക് പൂച്ച, ബലമായി പിടിച്ച് അകത്തേക്ക് തള്ളും. പലതവണ പട്ടിക്കുട്ടി പുറത്തുകടക്കാൻ ശ്രമിക്കുന്നുണ്ടെങ്കിലും പൂച്ച അനുവദിക്കുന്നില്ല. നിമിഷ നേരം കൊണ്ട് തന്നെ നിരവധി ലൈക്കുകളും കമന്റുകളുമാണ് വീഡിയോക്ക് ലഭിച്ചത്.