ടാറ്റയുമായി സഹകരിച്ച് ആഗോള റീട്ടെയില് ഭീമനായ വാള്മാര്ട്ട് ഇന്ത്യയിലെ ഓണ്ലൈന് റീട്ടെയില് രംഗത്തേക്ക് എത്തുന്നു. ടാറ്റയില് ഇതിനുവേണ്ടി 25 ബില്യണ് ഡോളര് (1.85 ലക്ഷം കോടി) നിക്ഷേപിക്കുമെന്ന് റിപ്പോര്ട്ടുകള് സൂചിപ്പിക്കുന്നു. ഓണ്ലൈന് റീട്ടെയില് രംഗത്തെ പ്രമുഖരായ ആമസോണ്, ഫ്ളിപ് കാര്ട്, ജിയോമാര്ട്ട് എന്നിവര്ക്ക് ഇതോടെ പുതിയ വെല്ലുവിളി നേരിടേണ്ടി വരും.
ഇതിനുവേണ്ടിയുള്ള മൊബൈല് ആപ്പ് ടാറ്റയും വാള്മാര്ട്ടും ഒത്തുചേര്ന്നായിരിക്കും നിര്മിക്കുക. ആപ്പ് രൂപീകരിക്കുന്നത് സംബന്ധിച്ചുള്ള ചര്ച്ച പുരോഗമിക്കുകയാണ്. ഭക്ഷ്യവസ്തുക്കള്, പലവ്യഞ്ജനം, ഫാഷന്, ലൈഫ്സ്റ്റൈല് തുടങ്ങിയ ഉല്പന്നങ്ങള് ഓണ്ലൈന് വിപണിയില് എത്തിക്കാനാണ് ലക്ഷ്യം. ടാറ്റാ ഗ്രൂപ്പിന്റെ ഉപഭോക്തൃ ബിസിനസുകളും നിലവിലെ ഓണ്ലൈന് പ്ലാറ്റ് ഫോമും ഒരുമിപ്പിച്ച് കൊണ്ടുള്ള ഒരു പദ്ധതിയാണ് മുന്നോട്ട് വെക്കുന്നത്.
ഫേസ്ബുക്, ഗൂഗിള് തുടങ്ങിയ വിദേശ നിക്ഷേപകര് മൊത്തം 2000 കോടി ഡോളറാണ് ജിയോ പ്ലാറ്റ് ഫോംസില് നിക്ഷേപിച്ചത്. വാള്മാര്ട്ടിലെ നിക്ഷേപം അതിലും ഇരട്ടിയായിരിക്കും എന്ന് റിപ്പോര്ട്ടുകള് സൂചിപ്പിക്കുന്നു. ടാറ്റ-വാള്മാര്ട്ട് മൊബൈല് ആപ്പ് ഈ വര്ഷം അവസാനമോ അടുത്ത വര്ഷം ആദ്യമോ പുറത്തിറക്കും.