വയനാട് : ജില്ലയിൽ കൊമ്പനാനയെ ചരിഞ്ഞ നിലയിൽ കണ്ടെത്തി. മുതുമല കടുവ സങ്കേതത്തിലെ അവരല്ലയിലാണ് ആനയെ ചരിഞ്ഞ നിലയിൽ കണ്ടെത്തിയത്. ഏകദേശം 15 വയസുള്ള കൊമ്പനാന വായിൽ ഉണ്ടായ മുറിവുകളെ തുടർന്ന് പട്ടിണി കിടന്നാണ് ചരിഞ്ഞത്.
വേനൽ രൂക്ഷമായതിനെ തുടർന്ന് ഈ പ്രദേശത്തെ വനമേഖലകളിൽ ജലസ്രോതസുകൾ വറ്റിവരണ്ട അവസ്ഥയിലാണ്. ഒപ്പം തന്നെ വനത്തിനുള്ളിൽ തീറ്റയും ഇല്ലാതായിട്ടുണ്ട്.
ആനയുടെ വായിൽ പല്ലുകൾക്ക് ഇടയിലായാണ് മുറിവ് ഉണ്ടായിട്ടുള്ളത്. നിലവിൽ മുറിവുകൾ പഴുത്ത നിലയിലായിരുന്നു. അതിനാൽ തന്നെ കഴിഞ്ഞ ഒരു മാസത്തോളമായി ആഹാരം കഴിക്കാൻ കഴിയാത്ത അവസ്ഥയിൽ ആയിരുന്നു കൊമ്പൻ. പോസ്റ്റുമോർട്ടം നടത്തിയ ശേഷം കൊമ്പന്റെ ജഡം കട്ടിൽ തന്നെ ഉപേക്ഷിച്ചു.
Read also : മാവോവാദി ആക്രമണം; കൊല്ലപ്പെട്ട സൈനികരുടെ എണ്ണം എട്ടായി, 18 പേരെ കാണാനില്ല