ന്യൂഡെൽഹി: ഒന്നര വർഷത്തോളം നീണ്ട ‘വർക്ക് ഫ്രം ഹോം’ ഇളവുകൾ അവസാനിപ്പിച്ച് ജീവനക്കാരെ ഓഫിസുകളിലേക്ക് തിരികെ എത്തിക്കാൻ ഒരുങ്ങി മുൻനിര ഐടി കമ്പനി വിപ്രോ. തിങ്കളാഴ്‌ച മുതൽ ജീവനക്കാർ ഓഫിസുകളിലേക്ക് തിരികെ എത്താൻ തുടങ്ങുമെന്ന് വിപ്രോ ചെയർമാൻ റിഷാദ് പ്രേംജി ഇന്ന് അറിയിച്ചു. കോവിഡ് മാനദണ്ഡങ്ങൾ പാലിച്ചു കൊണ്ടായിരിക്കും ഓഫിസുകളുടെ പ്രവർത്തനം.
After 18 long months, our leaders @Wipro are coming back to the office starting tomorrow (twice a week). All fully vaccinated, all ready to go – safely and socially distanced! We will watch this closely. pic.twitter.com/U8YDs2Rsyo
— Rishad Premji (@RishadPremji) September 12, 2021
ആഴ്‌ചയിൽ രണ്ട് ദിവസമാവും ജീവനക്കാർ ഓഫിസുകളിലേക്ക് ജോലിക്കായി എത്തുക. വാക്‌സിൻ സ്വീകരിച്ചവർ മാത്രമാണ് ഇത്തരത്തിൽ ഓഫിസുകളിലേക്ക് വരിക. ട്വിറ്ററിലൂടെ ആയിരുന്നു റിഷാദ് പ്രേംജി ഇക്കാര്യം അറിയിച്ചത്. വിപ്രോ തങ്ങളുടെ ഓഫിസുകളിൽ സ്‌ഥാപിച്ചിട്ടുള്ള താപനില പരിശോധന സാമഗ്രികളും, ക്യുആർ കോഡ് സംവിധാനങ്ങളും ഉൾപ്പെടെയുള്ള കോവിഡ് സുരക്ഷാ പ്രോട്ടോക്കോളുകളെ കുറിച്ചുള്ള ഒരു വീഡിയോയും അദ്ദേഹം പങ്കുവച്ചിട്ടുണ്ട്.
Read Also: ‘പരാക്രമം’; ഷെയ്ന്‍ നിഗം ചിത്രത്തിന്റെ ടൈറ്റില്‍ പോസ്‌റ്റര്‍ പുറത്ത്
