പീഡിപ്പിച്ച ശേഷം കാട്ടിൽ ഉപേക്ഷിക്കപ്പെട്ട നിലയിൽ കണ്ടെത്തിയ യുവതി മരിച്ചു

By Team Member, Malabar News
rape case
Representational Image
Ajwa Travels

ജയ്‌പൂർ: പീഡിപ്പിച്ച ശേഷം കാട്ടിലുപേക്ഷിക്കപ്പെട്ട നിലയിൽ കണ്ടെത്തിയ യുവതി മരിച്ചു. ആശുപത്രിയിൽ ചികിൽസയിൽ കഴിയുന്നതിനിടെയാണ് 35കാരിയായ യുവതി മരിച്ചത്. രാജസ്‌ഥാനിലെ നഗൗർ ജില്ലയിലാണ് സംഭവം. കാട്ടിൽ ഉപേക്ഷിക്കപ്പെട്ട് 6 ദിവസങ്ങൾക്ക് ശേഷമാണ് യുവതിയെ കണ്ടെത്തിയത്. രക്ഷപെടുത്തിയത് മുതൽ വെന്റിലേറ്ററിലാണ് യുവതി കഴിഞ്ഞിരുന്നത്.

കഴിഞ്ഞ ഫെബ്രുവരി 4ആം തീയതിയാണ് യുവതിയെ കാണാതായത്. തുടർന്ന് രണ്ട് ദിവസങ്ങൾക്ക് ശേഷം വീട്ടുകാർ പോലീസിൽ പരാതി നൽകുകയും ചെയ്‌തു. പിന്നീട് ഫെബ്രുവരി 10ആം തീയതിയാണ് ഗ്രാമത്തിന് 3 കിലോമീറ്റർ അകലെയുള്ള കാട്ടിൽ യുവതിയെ അബോധാവസ്‌ഥയിൽ കണ്ടെത്തിയത്. സംഭവത്തിൽ ഒരാളെ പോലീസ് അറസ്‌റ്റ് ചെയ്‌തിട്ടുണ്ട്‌. കൂടാതെ പ്രായപൂർത്തിയാകാത്ത ഒരാളെ കസ്‌റ്റഡിയിൽ എടുക്കുകയും ചെയ്‌തു.

പീഡിപ്പിച്ച ശേഷം മരിച്ചെന്ന് കരുതിയതിനാലാണ് കാട്ടിൽ ഉപേക്ഷിച്ചതെന്ന് പ്രതികൾ പോലീസിൽ വ്യക്‌തമാക്കി. ഇവരിൽ ഒരു പ്രതി ജയിലിലും പ്രായപൂർത്തിയാകാത്തയാൾ ജുവനൈൽ ഹോമിലുമാണ്. കൂട്ടബലാൽസംഗം ഉൾപ്പടെയുള്ള വകുപ്പുകളാണ് പ്രതികൾക്കെതിരെ ചുമത്തിയിട്ടുള്ളത്.

Read also: ഹിജാബ് വിലക്കി, രാജിവെച്ച് കോളേജ് അധ്യാപിക; ആത്‌മാഭിമാനം ചോദ്യംചെയ്‌തെന്ന് കത്ത്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE