മേല്‍മുറിയില്‍ നല്‍കിയ സ്വീകരണ സംഗമം ജില്ലാ സെക്രട്ടറി സയ്യിദ് മുര്‍തളാ ശിഹാബ് തങ്ങള്‍ ഉല്‍ഘാടനം നിർവഹിക്കുന്നു
മലപ്പുറം: എസ്‌വൈഎസ്‌ മലപ്പുറം ഈസ്‌റ്റ് ജില്ലാ കമ്മിറ്റിക്ക് കീഴില്‍ സംഘടിപ്പിച്ച പ്രയാണത്തിന് മേല്‍മുറിയില്‍ സ്വീകരണം നല്‍കി. എസ്‌വൈഎസ്‌ ജില്ലാ സെക്രട്ടറി സയ്യിദ് മുര്‍തളാ ശിഹാബ് തങ്ങള്‍ സ്വീകരണ സംഗമം ഉൽഘാടനം ചെയ്‌തു.
യുവത്വം ധാര്‍മികതയാല്‍ സജീവമാകണമെന്നും കേരളത്തില്‍ നടന്ന രാഷ്‌ട്രീയ കൊലപാതകങ്ങള്‍ പ്രബുദ്ധ കേരളത്തിന് അപമാനവും കളങ്കവുമാണെന്നും യോഗം ഉൽഘാടനം ചെയ്‌തുകൊണ്ട്‌ സയ്യിദ് മുര്‍തളാ ശിഹാബ് തങ്ങള്‍ പറഞ്ഞു.
കൊലപാതകികളെ ഒരു രാഷ്‌ട്രീയ പാര്‍ട്ടികളും സംരക്ഷിക്കരുതെന്നും കുറ്റവാളികളെ ഒറ്റപ്പെടുത്തി സമാധാനാന്തരീക്ഷം പുനസ്‌ഥാപിക്കാൻ ആവശ്യമായ നടപടികള്‍ ഉത്തരവാദിത്തപ്പെട്ടവര്‍ അടിയന്തിരമായി കൈക്കൊള്ളണമെന്നും ഇദ്ദേഹം ആവശ്യപ്പെട്ടു.
സോണ്‍ പ്രസിഡണ്ട് ദുല്‍ഫുഖാര്‍ അലി സഖാഫി സ്വീകരണ സംഗമത്തിൽ അധ്യക്ഷത വഹിച്ചു. വൈകുന്നേരം 4ന് കൂട്ടിലങ്ങാടിയിലും 7ന് കുറുവയിലും പ്രയാണതിനുള്ള സ്വീകരണം നടന്നു.
ജില്ലാ കമ്മിറ്റി അംഗം നജീബ് കല്ലരട്ടിക്കല്‍, എസ്എംഎ മലപ്പറും മേഖലാ സെക്രട്ടറി കെ ഇബ്‌റാഹീം ബാഖവി, കേരള മുസ്‌ലിം ജമാഅത്ത് മേല്‍മുറി സര്‍ക്കിള്‍ പ്രസിഡണ്ട് അബ്‌ദുൽ അസീസ് ഫൈസി, അഹമ്മദലി കോഡൂര്‍, അബ്‌ദുന്നാസിര്‍ പടിഞ്ഞാറ്റുമുറി, സിദ്ധീഖ് പുല്ലാര, അക്ബര്‍ പുല്ലാണിക്കോട്, ഇസ്‌മാഈല്‍ സഖാഫി, ഉബൈദ് മേല്‍മുറി എന്നിവര്‍ പ്രസംഗിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
