പരപ്പനങ്ങാടി: കഞ്ചാവ് ചില്ലറ വിൽപനക്കാരായ 2 യുവാക്കളെ എക്‌സൈസ്‌ സംഘം അറസ്‌റ്റ് ചെയ്‌തു. പുകയൂർ സ്വദേശി കെ മുഹമ്മദ് ഷാഫി, ചെട്ടിപ്പടി സ്വദേശി സഞ്ചിത്ത് എന്നിവരാണ് പിടിയിലായത്. പുകയൂർ ആവനാഴിയിൽ 520 ഗ്രാം കഞ്ചാവുമായി വിൽപനക്ക് ഇറങ്ങിയ സമയത്താണ് മുഹമ്മദ് ഷാഫിയെ പിടികൂടിയത്. ഇയാൾക്ക് എതിരെ മുൻപും കഞ്ചാവ് വിൽപനക്ക് എക്‌സൈസ്‌ കേസെടുത്തിട്ടുണ്ട്.
650 ഗ്രാം കഞ്ചാവുമായി ചെട്ടിപ്പടി ഹെൽത്ത് സെന്റർ പരിസരത്ത് നിന്നാണ് സഞ്ചിത്ത് പിടിയിലായത്. ഇൻസ്‌പെക്‌ടർ സാബു ആർ ചന്ദ്ര, എക്‌സൈസ്‌ ഐബി ഇൻസ്‌പെക്‌ടർ മുഹമ്മദ് ഷഫീഖ്, പ്രിവന്റീവ് ഓഫീസർമാരായ ടിവി ജ്യോതിഷ് ചന്ദ്‌, പ്രദീപ് കുമാർ, മുരളീധരൻ തുടങ്ങിയവരുടെ നേതൃത്വത്തിലുള്ള അന്വേഷണ സംഘമാണ് ഇവരെ പിടികൂടിയത്.
Read also: വോട്ടർമാർക്ക് ഭക്ഷ്യക്കിറ്റിനൊപ്പം 5000 രൂപയും; സുന്ദരയുടെ വെളിപ്പെടുത്തലിൽ എകെഎം അഷ്‌റഫ്
