ന്യൂഡെല്ഹി : രാജ്യത്ത് കഴിഞ്ഞ 24 മണിക്കൂറില് 20,346 പേര്ക്ക് കൂടി കോവിഡ് സ്ഥിരീകരിച്ചു. ഇതോടെ നിലവില് രാജ്യത്ത് കോവിഡ് സ്ഥിരീകരിച്ച ആകെ ആളുകളുടെ എണ്ണം 1,03,95,278 ആയി ഉയര്ന്നു. ഇതോടൊപ്പം 222 ആളുകളാണ് കഴിഞ്ഞ ദിവസം മാത്രം രാജ്യത്ത് കോവിഡ് ബാധയെ തുടര്ന്ന് മരിച്ചത്. നിലവില് രാജ്യത്ത് കോവിഡ് ബാധിച്ച് മരിച്ച ആകെ ആളുകളുടെ എണ്ണം 1,50,336 ആണ്.
കേന്ദ്ര ആരോഗ്യ മന്ത്രാലയത്തിന്റെ കണക്കുകള് പ്രകാരം കഴിഞ്ഞ 24 മണിക്കൂറില് രാജ്യത്ത് കോവിഡ് മുക്തരായ ആളുകളുടെ എണ്ണം 19,587 ആണ്. രാജ്യത്തെ ആകെ കോവിഡ് രോഗികളുടെ എണ്ണത്തില് 1,00,16,859 ആളുകളും ഇതോടെ രോഗമുക്തരായി. നിലവില് രാജ്യത്ത് കോവിഡ് ബാധിച്ച് ചികില്സയില് കഴിയുന്ന ആകെ ആളുകളുടെ എണ്ണം 2,28,083 ആണ്. കഴിഞ്ഞ 24 മണിക്കൂറില് രാജ്യത്ത് പരിശോധിച്ച 9,37,590 സാംപിളുകള് കൂടി പരിഗണിക്കുമ്പോള് രാജ്യത്ത് ഇതുവരെ 17,84,00,995 സാംപിളുകളാണ് ആകെ പരിശോധിച്ചത്.
രാജ്യത്ത് കോവിഡ് വാക്സിന് വിതരണത്തിന് ഒരുങ്ങുന്ന സാഹചര്യത്തില് നാളെ രാജ്യമൊട്ടാകെ രണ്ടാം ഡ്രൈ റണ് നടക്കും. രാജ്യത്തെ എല്ലാ ജില്ലകളിലെയും ജില്ലാ ആശുപത്രി, സ്വകാര്യ ആശുപത്രി, പ്രാഥമിക ചികില്സ കേന്ദ്രം എന്നിവിടങ്ങളില് ഡ്രൈ റണ് സംഘടിപ്പിക്കും. ആദ്യ ഡ്രൈ റണ് നടത്തിയപ്പോള് ഉണ്ടായ പോരായ്മകളും പ്രശ്നങ്ങളും പരിഹരിച്ചായിരിക്കും നാളത്തെ ഡ്രൈ റണ് നടത്തുക.
Read also : വാളയാര് കേസ്; സിബിഐ അന്വേഷണം ആവശ്യപ്പെട്ട് പെണ്കുട്ടികളുടെ അമ്മ ഇന്ന് മുഖ്യമന്ത്രിയെ കാണും