റിയാദ് : സൗദിയിൽ കഴിഞ്ഞ 24 മണിക്കൂറിൽ 213 ആളുകൾക്ക് കൂടി കോവിഡ് സ്ഥിരീകരിച്ചു. കൂടാതെ രാജ്യത്തിന്റെ വിവിധ ഭാഗങ്ങളിലായി കോവിഡ് ബാധിച്ചു 4 പേരാണ് കഴിഞ്ഞ ദിവസം മരിച്ചത്. ഇതോടെ രാജ്യത്ത് ഇതുവരെ കോവിഡ് സ്ഥിരീകരിച്ച ആകെ ആളുകളുടെ എണ്ണം 3,65,988 ആയി ഉയർന്നു. ഒപ്പം തന്നെ കോവിഡ് ബാധിച്ച് രാജ്യത്ത് മരിച്ച ആകെ ആളുകളുടെ എണ്ണം 6,346 ആയിട്ടുണ്ട്.
കഴിഞ്ഞ 24 മണിക്കൂറിൽ രാജ്യത്ത് കോവിഡ് മുക്തരായ ആളുകളുടെ എണ്ണം 188 ആണ്. ഇതോടെ രാജ്യത്ത് കോവിഡ് സ്ഥിരീകരിച്ച ആകെ ആളുകളുടെ എണ്ണത്തിൽ 3,57,525 ആളുകളും കോവിഡ് മുക്തരായിട്ടുണ്ട്. നിലവിൽ രാജ്യത്ത് കോവിഡ് ബാധിച്ചു ചികിൽസയിൽ കഴിയുന്നവരുടെ എണ്ണം 2,117 ആണ്. ഇവരിൽ 322 ആളുകൾ ഗുരുതരാവസ്ഥയിൽ ആശുപത്രികളിൽ ചികിൽസയിൽ കഴിയുകയാണ്.
രാജ്യത്തെ നിലവിലെ കോവിഡ് മുക്തിനിരക്ക് 97.7 ശതമാനമാണ്. കൂടാതെ മരണനിരക്ക് 1.7 ശതമാനവും. കഴിഞ്ഞ 24 മണിക്കൂറിൽ രാജ്യത്ത് ഏറ്റവും കൂടുതൽ ആളുകൾക്ക് കോവിഡ് സ്ഥിരീകരിച്ചത് റിയാദിലാണ്. 88 ആളുകൾക്കാണ് റിയാദിൽ കഴിഞ്ഞ ദിവസം കോവിഡ് സ്ഥിരീകരിച്ചത്.
Read also : മസിനഗുഡിയില് കാട്ടാനയെ തീ കൊളുത്തി കൊന്നു; കൊടും ക്രൂരത