ലണ്ടൻ: അന്താരാഷ്‍ട്ര ക്രിക്കറ്റിൽ വേഗത്തിൽ 23,000 റൺസ് നേടുന്ന താരമെന്ന റെക്കോർഡ് സ്വന്തമാക്കി ഇന്ത്യൻ ക്യാപ്റ്റൻ വിരാട് കോഹ്‌ലി. ക്രിക്കറ്റ് ഇതിഹാസം സച്ചിൻ തെൻഡുൽക്കറുടെ റെക്കോർഡ് മറികടന്നാണ് ഇന്ത്യൻ നായകന്റെ നേട്ടം.
ഇംഗ്ളണ്ടിനെതിരായ ഓവൽ ടെസ്‌റ്റിനിടെയാണ് കോഹ്‌ലി നേട്ടം കൊയ്‌തത്‌. ഈ നാഴികക്കല്ല് പിന്നിടുന്ന ഏഴാമത്തെ താരമാണ് കോഹ്‌ലി.
490 ഇന്നിങ്സുകളിൽ നിന്നാണ് കോഹ്‌ലി അന്താരാഷ്‍ട്ര ക്രിക്കറ്റിൽ 23,000 റൺസ് പിന്നിട്ടത്. ഇതിനായി സച്ചിനേക്കാൾ 32 ഇന്നിങ്സുകൾ കുറവേ കോഹ്‌ലിക്ക് വേണ്ടിവന്നുള്ളൂ.
അതേസമയം 522 ഇന്നിങ്സുകളിൽ നിന്നാണ് സച്ചിൻ ഈ നേട്ടത്തിലെത്തിയത്. മുൻ ഓസ്‌ട്രേലിയൻ ക്യാപ്റ്റൻ റിക്കി പോണ്ടിങ് 544 ഇന്നിങ്സുകളിൽ നിന്നാണ് ഈ നാഴികക്കല്ല് പിന്നിട്ടത്. ഇവർക്ക് പുറമെ കുമാർ സംഗക്കാര (568), രാഹുൽ ദ്രാവിഡ് (576), മഹേള ജയവർധനെ (645) എന്നിവരാണ് അന്താരാഷ്‍ട്ര ക്രിക്കറ്റിൽ 23,000 റൺസ് പിന്നിട്ടത്.
Most Read: വീഡിയോകോൺ സ്‌ഥാപകനെതിരെ എൻസിഎൽടി; ആസ്‌തികൾ കണ്ടുകെട്ടും
