ന്യൂ ഡെല്ഹി: കേന്ദ്രസര്ക്കാരിനെതിരെ രൂക്ഷവിമര്ശനവുമായി ബോളിവുഡ് നടി സ്വര ഭാസ്കര്. അന്താരാഷ്ട്ര മനുഷ്യാവകാശ സംഘടനയായ ആംനസ്റ്റി ഇന്റര്നാഷണല് ഇന്ത്യയിലെ പ്രവര്ത്തനം നിര്ത്തുകയാണെന്ന് അറിയിച്ചതിന് പിന്നാലെയാണ് സ്വര പ്രതികരിച്ചത്. മനുഷ്യാവകാശത്തിനായി പ്രവര്ത്തിക്കുന്നത് ക്രിമിനല് കുറ്റമായി കാണുന്ന ഒരു സര്ക്കാരിണിത് എന്നാണ് സ്വര ഭാസ്കര് ട്വീറ്റ് ചെയ്തത്.
‘പുതിയ ഇന്ത്യയിലെ ചെറിയ കഥ ഇതാ രണ്ട് ചിത്രങ്ങളില്. ഇന്ത്യയിലെ പ്രവര്ത്തനങ്ങള് നിര്ത്തിവെക്കാന് നിര്ബന്ധിതരായി മാറിയിരിക്കുകയാണ് ആംനസ്റ്റി. മനുഷ്യാവകാശങ്ങള്ക്കായി പ്രവര്ത്തിക്കുന്നത് ക്രിമിനല് കുറ്റമായി കാണുന്ന ഒരു സര്ക്കാര്. ഈ രാജ്യം എങ്ങോട്ടാണ് പോകുന്നതെന്ന വസ്തുത ഇനിയും ആര്ക്കാണ് നിഷേധിക്കാനാകുക’-സ്വര ഭാസ്കര് ട്വീറ്റ് ചെയ്തു.
A short story in #NewIndia in 2 pictures.. @amnesty forced to shut its India operations! A State that sees human rights advocacy as criminal… Who is still denying the path this country is treading on???? pic.twitter.com/BWhXqBcuNS
— Swara Bhasker (@ReallySwara) September 29, 2020
കേന്ദ്ര സര്ക്കാരിന്റെ പ്രതികാര നടപടികള് മൂലമാണ് ഇന്ത്യയിലെ തങ്ങളുടെ പ്രവര്ത്തനം നിര്ത്തുന്നതെന്ന് ആംനസ്റ്റി ഇന്റര്നാഷണല് പ്രസ്താവനയില് പറഞ്ഞിരുന്നു. കേന്ദ്ര സര്ക്കാര് തങ്ങളുടെ ബാങ്ക് അക്കൗണ്ടുകള് മരവിപ്പിച്ചെന്നും ഇതു കാരണം ജീവനക്കാരെ പിരിച്ചുവിടാന് തങ്ങള് നിര്ബന്ധിതരായെന്നും ആംനസ്റ്റി വ്യക്തമാക്കി. ജമ്മു-കശ്മീരിലേയും ഡെല്ഹി കലാപത്തിലേയും മനുഷ്യാവകാശ ലംഘനങ്ങളെ കുറിച്ചുള്ള റിപ്പോര്ട്ടുകളാണ് സര്ക്കാരിന്റെ വേട്ടയാടലിന് കാരണമെന്നാണ് സംഘടന ആരോപിക്കുന്നത്.
Read also: ഇന്ത്യയിലെ പ്രവര്ത്തനം നിര്ത്തുന്നു; ആംനസ്റ്റി ഇന്റര്നാഷണല്