തിരുവനന്തപുരം: സെക്രട്ടറിയേറ്റില് ജീവനക്കാർക്ക് കൂട്ടത്തോടെ കോവിഡ്. ഇതോടെ സെക്രട്ടറിയേറ്റിന്റെ പ്രവര്ത്തനം താളംതെറ്റി. മുഖ്യമന്ത്രിയുടെ ഓഫിസ് ഭാഗികമായി അടച്ചു. മറ്റു മന്ത്രിമാരുടെ ഓഫിസുകളിലും നിരവധി പേര്ക്ക് കോവിഡ് സ്ഥിരീകരിച്ചിട്ടുണ്ട്. സെക്രട്ടറിയേറ്റ് ലൈബ്രറിയും അടച്ചു.
വനം, ദേവസ്വം മന്ത്രിമാരുടെ ഓഫിസിലും നിരവധി പേർക്ക് രോഗം സ്ഥിരീകരിച്ചിട്ടുണ്ട്. വനംമന്ത്രിയുടെ ഓഫിസിന്റെ പ്രവര്ത്തനം മൂന്നുദിവസം മുന്പുതന്നെ താല്ക്കാലികമായി നിര്ത്തിവെക്കുകയും അറിയിപ്പ് നല്കുകയും ചെയ്തിരുന്നു. സമാനമായി മറ്റ് പല മന്ത്രിമാരുടെയും ഓഫിസുകളിൽ പലർക്കും രോഗം സ്ഥിരീകരിക്കുന്നുണ്ട്.
സെക്രട്ടറിയേറ്റിലെ സെന്ട്രല് ലൈബ്രറിയിലും നിരവധി പേര് കോവിഡ് പോസിറ്റീവ് ആയി. ഇതിനു പിന്നാലെ സെന്ട്രല് ലൈബ്രറി അടച്ചു. 23ആം തീയതി വരെയാണ് സെന്ട്രല് ലൈബ്രറി അടച്ചിരിക്കുന്നത്. ഈ സാഹചര്യത്തിൽ വര്ക്ക് ഫ്രം ഹോം പുനഃരാരംഭിക്കണമെന്ന് സെക്രട്ടറിയേറ്റിലെ വിവിധ സംഘടനകളുടെ ഭാഗത്തുനിന്ന് ആവശ്യം ഉയര്ന്നു കഴിഞ്ഞിട്ടുണ്ട്. അണ്ടര് സെക്രട്ടറി വരെയുള്ളവര്ക്കെങ്കിലും വര്ക്ക് ഫ്രം ഹോം നടപ്പാക്കണമെന്നാണ് ആവശ്യം ഉയരുന്നത്.
Most Read: റിപ്പബ്ളിക് പരേഡ് വൈകും; 75 വർഷത്തിനിടെ ആദ്യം