തിരുവനന്തപുരം: കനത്ത മഴ തുടരുന്ന സാഹചര്യത്തിൽ സംസ്‌ഥാനത്തെ 3 ഡാമുകളിൽ റെഡ് അലർട് പ്രഖ്യാപിച്ചു. തൃശൂര്‍ പെരിങ്ങല്‍കുത്ത്, ഇടുക്കി കല്ലാര്‍കുട്ടി, ലോവര്‍ പെരിയാര്‍ ഡാമുകളിലാണ് ജലനിരപ്പ് ഉയരുന്നതിനെ തുടർന്ന് റെഡ് അലർട് പ്രഖ്യാപിച്ചത്. നിലവിൽ ഈ ഡാമുകളിൽ നിന്നും നേരിയ തോതിൽ വെള്ളം പുറത്തേക്ക് ഒഴുകുന്നുണ്ട്.
ഡാമിന്റെ വൃഷ്‌ടി പ്രദേശങ്ങളിൽ ഇതിനോടകം തന്നെ ശക്‌തമായ മഴ ലഭിച്ചിട്ടുണ്ട്. കൂടാതെ ഇന്നും സംസ്‌ഥാനത്ത് വ്യാപകമായ കനത്ത മഴക്ക് മുന്നറിയിപ്പും നൽകിയിട്ടുണ്ട്. ഇതേ തുടർന്നാണ് ഡാമുകളിൽ റെഡ് അലർട് പ്രഖ്യാപിച്ചിരിക്കുന്നത്.
അതേസമയം സംസ്‌ഥാനത്ത് ഇന്നും 8 ജില്ലകളിൽ യെല്ലോ അലർട് പ്രഖ്യാപിച്ചിട്ടുണ്ട്. ആലപ്പുഴ, കോട്ടയം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ എന്നീ ജില്ലകളിലാണ് യെല്ലോ അലർട്. ഒപ്പം തന്നെ കേരള-കർണാടക തീരങ്ങളിൽ നിന്നും മൽസ്യ ബന്ധനത്തിന് പോകുന്നതിനും വിലക്ക് ഏർപ്പെടുത്തിയിട്ടുണ്ട്.
Read also: വണ്ടിപ്പെരിയാർ പീഡനക്കേസ്; ആദ്യഘട്ട വിചാരണ പൂർത്തിയായി
