തിരുവനന്തപുരം: നെയ്യാറ്റിൻകര സർക്കാർ ആശുപത്രിയിൽ വീണ്ടും ചികിൽസാ വീഴ്ച. കുഞ്ഞിന്റെ കാലിൽ കുത്തിയ സൂചി ഒടിഞ്ഞ് തറച്ചു. ഡ്രിപ് ഇടാൻ കുത്തിയ സൂചിയാണ് ഒടിഞ്ഞ് കയറിയത്. ബുധനാഴ്ച പനി ബാധിച്ച് ചികിൽസ തേടി എത്തിയതായിരുന്നു കുട്ടി. ആദ്യം കയ്യിലാണ് ഡ്രിപ് ഇട്ടത്.
എന്നാൽ കയ്യിൽ വേദനയുണ്ടെന്ന് പറഞ്ഞതോടെ കാലിൽ കുത്തുകയായിരുന്നു. ഇതിനിടെയാണ് സൂചി ഒടിഞ്ഞ് കാലിൽ തറച്ചത്. ഉടൻ തന്നെ കുട്ടിയെ എസ്എടി ആശുപത്രിയിൽ പ്രവേശിപ്പിച്ചു, വ്യാഴാഴ്ച ശസ്ത്രക്രിയ നടത്തി സൂചി പുറത്തെടുക്കുകയായിരുന്നു. ആശുപത്രി അധികൃതർ സംഭവത്തെ കുറിച്ച് ഇതുവരെ പ്രതികരിച്ചിട്ടില്ല.
Most Read: ‘സെലൻസ്കി’; 150 ദശലക്ഷം പഴക്കമുള്ള ഫോസിലിന് പ്രസിഡണ്ടിന്റെ പേര്