തിരുവനന്തപുരം: ഒടുവിൽ കണക്കുകളിൽ വ്യക്തത വരുത്തി ആരോഗ്യവകുപ്പ്. രണ്ടുപേർ മാത്രമാണ് മരിച്ചതെന്ന നേരത്തെയുള്ള കണക്കാണ് വകുപ്പ് തിരുത്തിയത്. നിലവിലെ കണക്ക് പ്രകാരം കേരളത്തിൽ ഈവർഷം 17 പേരാണ് അമീബിക് മസ്തിഷ്ക ജ്വരം ബാധിച്ച് മരിച്ചത്. ഈ മാസം മാത്രം ഏഴ് മരണമാണ് സ്ഥിരീകരിച്ചത്.
66 പേർക്ക് ഇതുവരെ രോഗം ബാധിച്ചുവെന്നും ആരോഗ്യവകുപ്പിന്റെ കണക്കുകൾ പറയുന്നു. നേരത്തെ 18 എന്നായിരുന്നു ആരോഗ്യവകുപ്പിന്റെ കണക്ക്. ഈ മാസം മാത്രം 19 പേർക്ക് രോഗബാധയുണ്ടായി. കഴിഞ്ഞദിവസം രോഗം ബാധിച്ച് ഒരാൾ മരിക്കുകയും പത്തുവയസുകാരിക്ക് രോഗം സ്ഥിരീകരിക്കുകയും ചെയ്തു.
മലപ്പുറം ചേലമ്പ്ര സ്വദേശി ഷാജിയാണ് (51) കഴിഞ്ഞദിവസം മരിച്ചത്. മലപ്പുറം അരീക്കോട് സ്വദേശിയായ പത്തുവയസുള്ള കുട്ടിക്കാണ് രോഗം സ്ഥിരീകരിച്ചത്. കുട്ടി തോട്ടിൽ കുളിച്ചിരുന്നതായി കണ്ടെത്തിയിരുന്നു. കുട്ടി കോഴിക്കോട് മെഡിക്കൽ കോളേജ് ആശുപത്രിയിൽ ചികിൽസയിൽ കഴിയുകയാണ്.
Most Read| നിന്നനിൽപ്പിൽ അപ്രത്യക്ഷമാകും, ഉടൻ പ്രത്യക്ഷപ്പെടും; അത്ഭുത തടാകം
