അബുദാബി: യുഎഇയിൽ ഈവർഷത്തെ പെരുന്നാൾ (ഈദുൽ ഫിത്വർ) അവധി ദിനങ്ങൾ പ്രഖ്യാപിച്ചു. ഫെഡറൽ സർക്കാർ സ്ഥാപനങ്ങൾക്കും സ്വകാര്യ മേഖലയ്ക്കുമുള്ള അവധി ദിനങ്ങളാണ് മാനവ വിഭവശേഷി സ്വദേശിവൽക്കരണ മന്ത്രാലയം അറിയിച്ചത്.
സ്വകാര്യ മേഖലയിലെ ജീവനക്കാർക്ക് മാർച്ച് 19 മുതൽ 21 വരെ മൂന്ന് ദിവസമാണ് നിലവിൽ പ്രഖ്യാപിച്ചിട്ടുള്ള അവധി. എന്നാൽ, റംസാൻ 30 പൂർത്തിയാകുകയാണെങ്കിൽ അവധി 22 വരെ നീളും. ഫെഡറൽ സർക്കർ ജീവനക്കാർക്ക് മാർച്ച് 19 മുതൽ 22 വരെ നാല് ദിവസമാണ് അവധി. 23ന് ഓഫീസുകൾ വീണ്ടും തുറന്ന് പ്രവർത്തിക്കും.
അവധി പ്രഖ്യാപിച്ചതോടെ നാട്ടിൽ പോകാനും ആഘോഷങ്ങൾക്കുമായി പ്രവാസികൾ ഒരുക്കം തുടങ്ങി. മാർച്ച് 19 മുതൽ 22 വരെയാണ് ഷാർജയിലും അവധി പ്രഖ്യാപിച്ചത്. അവധിക്ക് ശേഷം 23ന് ഓഫീസുകൾ വീണ്ടും തുറക്കും. ഷിഫ്റ്റ് സമ്പ്രദായത്തിൽ ജോലി ചെയ്യുന്ന ജീവനക്കാർക്ക് അവരുടെ ജോലി ക്രമീകരണത്തിന് അനുസരിച്ചുള്ള മാറ്റങ്ങൾ ബാധകമായിരിക്കും.
Most Read| 91ആം വയസിലും ‘ജിൽ’ മുത്തശ്ശി ‘ചിൽ’; എന്റമ്മോ ആർക്കും പറ്റില്ലെന്ന് കമന്റുകൾ
