കാസർഗോഡ്: മഞ്ചേശ്വരം കുണ്ടുകുളുക്കെ ബീച്ചിൽ 18 വയസുകാരനെ കാണാതായി. മഞ്ചേശ്വരം ചൗക്കി സ്വദേശിയായ ഉമറൂൽ ഫാറൂഖിന്റെയും റസീനയുടെയും മകൻ മുഹമ്മദ് സൈനുൽ ആബിദിനെയാണ് ബുധനാഴ്ച വൈകീട്ടോടെ കാണാതായത്. കുടുംബത്തോടൊപ്പം അവധി ആഘോഷിക്കാൻ എത്തിയതായിരുന്നു.
കടൽത്തീരത്ത് കളിച്ചു കൊണ്ടിരുന്ന സൈനുൽ ആബിദ് അപ്രതീക്ഷിതമായി വന്ന ശക്തമായ തിരമാലയിൽപ്പെട്ട് കടലിലേക്ക് ഒഴുകിപ്പോവുകയായിരുന്നു. നാട്ടുകരും മഞ്ചേശ്വരം പോലീസും തീരദേശ സുരക്ഷാ സേനാ അംഗങ്ങളും ചേർന്ന് ഉടൻ തന്നെ തിരച്ചിൽ നടത്തിയെങ്കിലും കണ്ടെത്താനായില്ല. യുവാവിനായി തിരച്ചിൽ തുടരുകയാണ്.
അവധി ആഘോഷിക്കാനായി കുട്ടികൾ ഉൾപ്പടെ നൂറുകണക്കിന് ആളുകൾ ദിനംപ്രതി എത്തുന്ന കുണ്ടുകുളുക്കെ ബീച്ചിൽ മതിയായ സുരക്ഷാ സംവിധാനങ്ങൾ ഇല്ലായെന്ന് നാട്ടുകാർ പറയുന്നു. മുൻപും ഈ ഭാഗത്ത് സമാനമായ രീതിയിലുള്ള അപകടങ്ങൾ സംഭവിച്ചതായും പ്രദേശവാസികൾ ചൂണ്ടിക്കാട്ടി.
Most Read| താറാവിന്റെ വയറ്റിൽ നിന്ന് കിട്ടിയത് സ്വർണം; അമ്പരന്ന് നാട്ടുകാർ
