കണ്ണൂര്: കുടിയാന്മലയില് 12 കാരിയെ പീഡിപ്പിച്ച കേസിലെ പ്രതി അറസ്റ്റില്. പ്രതി ആക്കാട്ട് ജോസ് ആണ് പിടിയിലായത്. പരാതി നല്കി ഒരു മാസത്തിന് ശേഷമാണ് അറസ്റ്റ്. പ്രതിക്കായി പോലീസ് ഒത്തുകളിക്കുന്നു എന്ന ആരോപണവുമായി കുട്ടിയുടെ അമ്മ രംഗത്തെത്തിയതിന് പിന്നാലെയാണ് ആക്കാട്ട് ജോസിനെ അറസ്റ്റ് ചെയ്തത്.
അയല്ക്കാരനായ ആക്കാട്ട് ജോസിനെതിരെ നവംബര് 19നാണ് കുട്ടിയുടെ കുടുംബം കുടിയാന് മല പോലീസില് പരാതി നല്കിയത്. റബര് ടാപ്പിംഗ് തൊഴിലാളികളായ മാതാപിതാക്കള് പുലര്ച്ചെ ജോലിക്ക് പോയ സമയത്ത് ഇയാള് വീട്ടില് അതിക്രമിച്ച് കടന്ന് 12 കാരിയെ ബലാല്സംഗം ചെയ്തെന്നാണ് പരാതി.
എന്നാല് പരാതി നല്കി ഒരു മാസം പിന്നിട്ടിട്ടും പ്രതിക്കെതിരെ നടപടിയെടുക്കാത്തതിനെ തുടര്ന്ന് കുടുംബം തളിപ്പറമ്പ ഡിവൈഎസ്പിക്ക് പരാതി കൈമാറി. പണവും സ്വാധീനവും ഉപയോഗിച്ച് കേസ് അട്ടിമറിക്കുന്നതായി കുടുംബം ആരോപിച്ചിരുന്നു. ഇതിന് പിന്നാലെയാണ് ജോസിനെ അറസ്റ്റ് ചെയ്തത്.
മാനസിക വെല്ലുവിളി നേരിടുന്ന കുട്ടിയെ കൗണ്സിലിംഗിന് വിധേയമാക്കി വിശദമായ മൊഴിയെടുത്തു. മെഡിക്കല് പരിശോധനയില് കുട്ടി ബലാല്സംഗത്തിന് ഇരയായതായി വ്യക്തമായിരുന്നു.
Malabar News: തൃശൂര് കോര്പ്പറേഷന്; മേയര് പദവിയുടെ കാര്യത്തില് തീരുമാനം ഇന്ന്
