അബുദാബി: കോവിഡ് വ്യാപനം നിയന്ത്രണ വിധേയമാകാത്ത സാഹചര്യത്തിൽ അബുദാബിയിലെ എല്ലാ സ്കൂളുകളിലെയും വിദ്യാർഥികള്ക്ക് വിദൂര പഠനം മൂന്നാഴ്ച കൂടി നീട്ടി. ജനുവരി 17 മുതല് മൂന്നാഴ്ച കൂടി ഓണ്ലൈന് പഠനരീതി തുടരുമെന്ന് അബുദാബി എമര്ജന്സി, ക്രൈസിസ് ആന്ഡ് ഡിസാസ്റ്റേഴ്സ് കമ്മറ്റി അറിയിച്ചു. സ്കൂളുകൾ തുറക്കാനുള്ള സാഹചര്യം നിലവിലെന്നാണ് കമ്മറ്റിയുടെ കണ്ടെത്തൽ.
കോവിഡ് വ്യാപനം പ്രതിരോധിക്കാനുള്ള മുന്കരുതല് നടപടികളുടെ ഭാഗമാണിതെന്നും വിദ്യാർഥി സമൂഹത്തിന്റെ ആരോഗ്യവും സുരക്ഷയും പരിഗണിച്ചാണ് തീരുമാനമെന്നും കമ്മറ്റി കൂട്ടിച്ചേര്ത്തു. രക്ഷിതാക്കള്, എല്ലാ സ്കൂളുകളിലെയും അധ്യാപക, അനധ്യാപക ജീവനക്കാര് എന്നിവരും കോവിഡ് വാക്സിന് സ്വീകരിക്കണമെന്നും കമ്മറ്റി ആവശ്യപ്പെട്ടു.
പുതിയ അധ്യയന വര്ഷത്തിലെ രണ്ടാഴ്ചത്തെ ഓണ്ലൈന് ക്ളാസുകള്ക്ക് ശേഷം ജനുവരി 17 മുതല് വിദ്യാർഥികൾ സ്കൂളുകളിലേക്ക് എത്താനിരിക്കെയാണ് പുതിയ തീരുമാനം. അടുത്ത മൂന്നാഴ്ചയും നിലവിലെ സാഹചര്യം തുടരും. അതിന് ശേഷമാവും സ്കൂളുകൾ തുറക്കുന്ന കാര്യത്തിൽ തീരുമാനം എടുക്കുക.
Read Also: രണ്ടാം ഡോസ് കോവിഡ് വാക്സിന് കൂടി സ്വീകരിക്കുന്നവര്ക്ക് സര്ട്ടിഫിക്കറ്റ്; കുവൈറ്റ്
