പെരിയ: നിയമസഭാ തിരഞ്ഞെടുപ്പിനു മുന്നോടിയായി ബേക്കൽ പോലീസ് സബ് ഡിവിഷനിലേക്ക് കേന്ദ്ര സേനയെത്തി. ബിഎസ്എഫ് ഇൻസ്പെക്ടർ എആർ മുഖർജിയുടെ നേതൃത്വത്തിൽ ഒരു കമ്പനിയാണ് ഇന്നലെയെത്തിയത്.
വോട്ടെണ്ണൽ കഴിയുന്നതുവരെ സേന ഇവിടെയുണ്ടാകും. പെരിയയിൽ സേനാംഗങ്ങൾ റൂട്ട് മാർച്ച് നടത്തി. ബേക്കൽ ഇൻസ്പെക്ടർ പ്രതീഷ്, എസ്ഐ ലതീഷ് എന്നിവർ നേതൃത്വം നൽകി. പാലക്കുന്ന് അംബിക സ്കൂളിലാണു സേനയുടെ ക്യാംപ്. സബ് ഡിവിഷനിലെ പ്രധാന കേന്ദ്രങ്ങളിൽ വരും ദിവസങ്ങളിൽ സേനയുടെ റൂട്ട് മാർച്ചുണ്ടാകും.
Also Read: ഇന്ധനവില വർധന; എക്സൈസ് നികുതി വെട്ടിക്കുറക്കാൻ കേന്ദ്രം ഒരുങ്ങുന്നു