ബെംഗളൂരു: ഇഐഎ 2020 ഡ്രാഫ്റ്റ് കര്ണാടക ഹൈക്കോടതി സ്റ്റേ ചെയ്തു. ചീഫ് ജസ്റ്റിസ് അഭയ് എസ് ഓകയുടെ നേതൃത്വത്തിലുള്ള ഡിവിഷന് ബെഞ്ചാണ് ഓഗസ്റ്റ് 5 ന് പാസാക്കിയ ഉത്തരവ് സ്റ്റേ ചെയ്തത്. കന്നഡ ഭാഷയില് ഡ്രാഫ്റ്റ് പ്രസിദ്ധീകരിച്ചിട്ടില്ലെന്നും ബെഞ്ച് ചൂണ്ടിക്കാട്ടിയിരുന്നു. ഔദ്യോഗിക ഭാഷകളില് മാത്രം ഡ്രാഫ്റ്റ് പ്രസിദ്ധീകരിക്കാമെന്ന കേന്ദ്ര സര്ക്കാരിന്റെ നിലപാടിനെ കോടതി എതിര്ത്തു. പരിസ്ഥിതി നിയമത്തിലെ സംരക്ഷണ നടപടികള് എടുക്കാനുള്ള മൂന്നാം വകുപ്പ് ദുരുപയോഗം ചെയ്താണ് ഡ്രാഫ്റ്റ് ഇറക്കിയതെന്ന വാദം ശരിയാണെന്നും ഹൈക്കോടതി വ്യക്തമാക്കി. ഇത് സംബന്ധിച്ച് കേന്ദ്ര സര്ക്കാരിന് കോടതി നോട്ടീസ് അയച്ചു.
