തിരുവനന്തപുരം: നിയമസഭാ തിരഞ്ഞെടുപ്പിൽ സമർപ്പിക്കപ്പെട്ട നാമനിർദേശ പത്രികകൾ പിൻവലിക്കാനുള്ള അവസാന ദിവസം ഇന്ന്. സംസ്ഥാനത്ത് ആകെ 2,138 നാമനിർദേശ പത്രികകളാണ് സമർപ്പിച്ചിട്ടുള്ളത്. ഇന്ന് വൈകിട്ടോടെ ഓരോ മണ്ഡലങ്ങളിലും മൽസരരംഗത്ത് ഉള്ളവരുടെ അന്തിമ ചിത്രം തെളിയും.
യുഡിഎഫിൽ 3 സ്ഥാനാർഥികൾ നാമനിർദേശ പത്രിക സമർപ്പിച്ചിട്ടുള്ള എലത്തൂർ മണ്ഡലത്തിലടക്കം സ്ഥാനാർഥി ചിത്രം ഇന്ന് തെളിയും. മുന്നണികൾ സമവായ നീക്കം നടത്തിയ മണ്ഡലങ്ങളിലെ വിമത ഭീഷണി ഒഴിയുമോയെന്നതും ഇന്ന് വൈകുന്നേരത്തിനകം അറിയാൻ സാധിക്കും. അതേസമയം, തിരഞ്ഞെടുപ്പ് കമ്മീഷൻ തള്ളിയ എൻഡിഎ പത്രികകളിൻമേൽ ഹൈക്കോടതി വിധിയും ഇന്നുണ്ടാകും.
Read also: പത്രിക തള്ളിയതിന് എതിരായ ഹരജി; ഹൈക്കോടതി വിധി ഇന്ന്
