ന്യൂഡെൽഹി: തലസ്‌ഥാനത്തെ എയിംസിൽ (ഓൾ ഇന്ത്യ ഇൻസ്‌റ്റിറ്റ്യൂട്ട് ഓഫ് മെഡിക്കൽ സയൻസ്) കോവിഡ് വ്യാപനം. എയിംസിലെ 35 ഡോക്‌ടർമാർക്ക് രോഗം സ്‌ഥിരീകരിച്ചു. ഈ പശ്‌ചാത്തലത്തിൽ മുഖ്യമന്ത്രി അരവിന്ദ് കെജ്‌രിവാൾ അടിയന്തര യോഗം വിളിച്ചു.
നേരത്തെ ഡെൽഹി സർ ഗംഗാ റാം ആശുപത്രിയിലെ 37 ഡോക്‌ടർമാർക്ക് കോവിഡ് ബാധ റിപ്പോർട് ചെയ്‌തിരുന്നു. വാക്‌സിൻ സ്വീകരിച്ചിട്ടും ഇവർക്ക് രോഗബാധയുണ്ടായി. വൈറസ് ബാധിച്ച 37 ഡോക്‌ടർമാരിൽ 32 പേർ നേരിയ ലക്ഷണങ്ങളുമായി വീടുകളിൽ നിരീക്ഷണത്തിലാണ്, അഞ്ചുപേരെ ചികിൽസക്കായി ആശുപത്രിയിൽ പ്രവേശിപ്പിച്ചു.
ഡെൽഹിയിൽ വ്യാഴാഴ്‌ച 7,437 പുതിയ കോവിഡ് കേസുകൾ റിപ്പോർട് ചെയ്‌തു. കോവിഡ് ബാധ മൂലം ഇരുപത്തിനാല് പേർ കൂടി മരിച്ചു. ആകെ മരണസംഖ്യ 11,157 ആയി.
Read Also: ജനങ്ങൾക്ക് വേണ്ടത് മമതയുടെ പരാജയം; അമിത് ഷാ
