ന്യൂഡെൽഹി: രാജ്യതലസ്ഥാനത്തെ സഫ്ദര്ജങ് ആശുപത്രിയിലെ ഐസിയു വാർഡിൽ വൻ തീപിടുത്തം. രാവിലെ 6.35ഓടെയാണ് സംഭവം. അപകടത്തിൽ ആളപായമില്ലെന്ന് ദേശീയ മാദ്ധ്യമങ്ങൾ റിപ്പോർട് ചെയ്തു. ഐസിയുവിലെ അൻപതോളം രോഗികളെ മറ്റ് വാർഡുകളിലേക്ക് മാറ്റി.
അഗ്നിശമന സേനയും ആശുപത്രി ജീവനക്കാരും ചേർന്നാണ് രക്ഷാ പ്രവർത്തനം നടത്തിയത്. ഷോർട് സർക്യൂട്ട് കാരണം വെന്റിലേറ്ററിൽ നിന്ന് തീ പിടിച്ചതാണ് അപകടത്തിന് കാരണമായതെന്നാണ് പ്രാഥമിക നിഗമനം. മണിക്കൂറുകൾ നീണ്ട പരിശ്രമത്തിന് ശേഷമാണ് തീ പൂർണമായി അണക്കാൻ സാധിച്ചത്.
Also Read: കോവിഡ്: ജാഗ്രത കൈവിടരുത്, സ്ഥിതി വളരെ മോശം അവസ്ഥയിലേക്ക്; കേന്ദ്രത്തിന്റെ മുന്നറിയിപ്പ്