തിരുവനന്തപുരം : സംസ്ഥാനത്ത് വർഷംതോറും നടത്തി വരുന്ന ചരിത്ര പ്രസിദ്ധമായ ആറ്റുകാൽ പൊങ്കാല ഇന്ന്. കോവിഡ് വ്യാപനം നിലനിൽക്കുന്ന സാഹചര്യത്തിൽ ക്ഷേത്രത്തിലെ പണ്ടാരഅടുപ്പിൽ മാത്രം പൊങ്കാല ഇട്ട് ചടങ്ങുകൾ പൂർത്തിയാക്കാനാണ് അധികൃതരുടെ തീരുമാനം. അതിനാൽ തന്നെ രാവിലെ 10.20ന് നടത്തുന്ന ശുദ്ധ പുണ്യാഹ ചടങ്ങുകള്ക്ക് ശേഷം 10.50നാണ് ക്ഷേത്രത്തില് തയാറാക്കിയ പണ്ടാര അടുപ്പിലേക്ക് തീ പകരും.
സംസ്ഥാനത്തിന്റെ വിവിധ ഭാഗങ്ങളിൽ നിന്നും ലക്ഷക്കണക്കിന് ആളുകളാണ് ഇവിടെ ഓരോ വർഷവും പൊങ്കാല ഇടുന്നതിനായി എത്തുന്നത്. എന്നാൽ സംസ്ഥാനത്ത് കോവിഡ് വ്യാപനം രൂക്ഷമായി തുടരുന്ന സാഹചര്യത്തിൽ പൊങ്കാല നടത്താൻ തീരുമാനിച്ചാൽ അത് വലിയ രീതിയിലുള്ള രോഗവ്യാപനത്തിന് വീണ്ടും ഇടയാക്കും. ഈ സാഹചര്യത്തിലാണ് ആറ്റുകാൽ പൊങ്കാല ചടങ്ങുകൾ മാത്രമാക്കി നടത്താൻ തീരുമാനിച്ചത്.
അതിനാൽ തന്നെ പതിവില് നിന്നും വ്യത്യസ്തമായി ക്ഷേത്ര പരിസരത്തോ പൊതുയിടങ്ങളിലോ പൊങ്കാല ഇത്തവണ പൊങ്കാല ഇടാൻ അനുവദിക്കില്ല. എന്നാൽ ആവശ്യമെങ്കിൽ ഭക്തര്ക്ക് വീടുകളില് പൊങ്കാല സമര്പ്പിക്കാം. 3.40നാണ് പൊങ്കാല നിവേദ്യം. കൂടാതെ ആചാര പ്രധാനമായ കുത്തിയോട്ടം ഇത്തവണ പണ്ടാര ഓട്ടം മാത്രമായി പരിമിതപ്പെടുത്തിയിട്ടുണ്ട്.
Read also : സുരക്ഷാവീഴ്ച; കൊടി സുനിയുമായി മാഹിയിലേക്ക് പോയ പോലീസ് ഉദ്യോഗസ്ഥർക്ക് സസ്പെൻഷൻ