വൈത്തിരി: വയനാട് വൈത്തിരി തളിപ്പുഴയിൽ ദേശീയ പാതയിൽ വാഹനാപകടത്തിൽ 4 യുവാക്കൾക്ക് പരിക്കേറ്റു. കൽപ്പറ്റ സ്വദേശികളായ ഫാസിൽ, അശ്വിൻ, സിബിൻ അടിവാരം സ്വദേശിയായ ലോറി ഡ്രൈവർ രാജേഷ് എന്നിവർക്കാണ് പരിക്കേറ്റത്. രണ്ട് ബൈക്കുകൾ തമ്മിൽ കൂട്ടിയിടിച്ചാണ് അപകടമുണ്ടായത്.
ശനിയാഴ്ച വൈകുന്നേരമാണ് സംഭവം. ബൈക്കുകൾ തമ്മിൽ കൂട്ടിയിടിച്ചു മറിഞ്ഞപ്പോൾ, ബൈക്കിൽ ഉണ്ടായിരുന്നവരെ ഇടിക്കാതിരിക്കാൻ പെട്ടെന്ന് നിർത്തിയതുമൂലം ലോറി മറിയുകയും, ഡ്രൈവർക്കും പരിക്കേൽക്കുകയായിരുന്നു. ബൈക്ക് യാത്രക്കാരെ ഇടിക്കാതിരിക്കാൻ ബ്രേക്കിട്ട് നിർത്തുന്നതിനിടെയാണ് ലോറി മറിഞ്ഞത്. പരിക്കേറ്റവരെ ജില്ലയിലെ വിവിധ ആശുപത്രികളിൽ പ്രവേശിപ്പിച്ചു. അപകടത്തെ തുടർന്ന് ഏറെനേരം ദേശീയ പാതയിൽ ഗതാഗതം തടസപ്പെട്ടു.
Read also: അമിത് ഷാക്ക് നേരെ പ്ളക്കാർഡ് എറിഞ്ഞു; 67കാരൻ അറസ്റ്റിൽ