തിരുവനന്തപുരം: കരിപ്പൂര് സ്വര്ണക്കടത്ത് കേസ് നിയമസഭയില് ഉന്നയിക്കാന് പ്രതിപക്ഷം. അര്ജുന് ആയങ്കിയുടെ കൂട്ടുകാരനും നിര്ണായക സാക്ഷിയുമായ അരീക്കോട് സ്വദേശി റമീസിന്റെ അസ്വാഭാവിക മരണത്തില് ദുരൂഹത ആരോപിച്ച് പ്രതിപക്ഷം അടിയന്തര പ്രമേയ നോട്ടീസ് നല്കും. ആറ് ദിവസം മുന്പാണ് മൂന്നു നിരത്തു സ്വദേശിയായ റമീസിന്റെ മരണം നടന്നത്. ഓടിക്കൊണ്ടിരുന്ന കാറില് റമീസ് ഓടിച്ച ബൈക്ക് വന്നിടിക്കുകയായിരുന്നു. ഗുരുതരമായി പരിക്കേറ്റ ഇയാൾ കണ്ണൂരിലെ സ്വകാര്യ ആശുപത്രിയില് ചികിൽസയിൽ കഴിയവെയാണ് മരിച്ചത്.
സ്വര്ണക്കടത്ത് കേസില് അര്ജുന് ആയങ്കിക്കൊപ്പം റമീസിനും ബന്ധമുണ്ടെന്ന സംശയത്തെ തുടര്ന്ന് ഇദ്ദേഹത്തിന്റെ വീട്ടില് കസ്റ്റംസ് റെയ്ഡ് നടത്തുകയും കൊച്ചി കസ്റ്റംസ് ഓഫിസില് ഹാജരാകാനാവശ്യപ്പെട്ട് റമീസിന് നോട്ടീസ് നൽകുകയും ചെയ്തിരുന്നു.
Read also: ഭീമമായ നഷ്ടത്തിലോടുന്ന കെഎസ്ആർടിസി സർവീസുകൾ നിർത്തും; ഗതാഗത മന്ത്രി