ചണ്ഡീഗഢ്: പഞ്ചാബിൽ നിയമസഭാ തിരഞ്ഞെടുപ്പ് നടക്കാനിരിക്കേ ബോളിവുഡ് താരം സോനു സൂദിന്റെ സഹോദരി മാളവിക സൂദ് മൽസരത്തിനിറങ്ങും. ചണ്ഡീഗഢില്നിന്ന് 170 കിലോമീറ്റര് അകലെയുള്ള മോഗയില്നിന്നാണ് ജനവിധി തേടുകയെന്നാണ് വിവരം. മോഗയില് നടത്തിയ വാര്ത്താ സമ്മേളനത്തില് സോനു സൂദാണ് ഇക്കാര്യം അറിയിച്ചത്.
അടുത്തിടെ പഞ്ചാബ് മുഖ്യമന്ത്രി ചരൺജിത് സിംഗ് ചന്നിയുമായി നടത്തിയ സോനുവിന്റെ കൂടിക്കാഴ്ചയും ചര്ച്ചയായിരുന്നു. എന്നാല്, ഏത് പാര്ട്ടിയുടെ ഭാഗമായാണ് മൽസര രംഗത്ത് ഇറങ്ങുക എന്നത് വ്യക്തമല്ല. നേരത്തേ ഡെല്ഹി മുഖ്യമന്ത്രി അരവിന്ദ് കെജ്രിവാളുമായും സോനു സൂദ് കൂടിക്കാഴ്ച നടത്തിയിരുന്നു.
ഇരുവരുടെയും കൂടിക്കാഴ്ചയെ തുടര്ന്ന് സോനു എഎപിയില് ചേരുമെന്നും അടുത്ത വര്ഷം തിരഞ്ഞെടുപ്പില് മൽസരിക്കുമെന്നും അഭ്യൂഹങ്ങള് പരന്നിരുന്നു. എന്നാല് ഇരുവരും തമ്മില് നടത്തിയ കൂടിക്കാഴ്ചയില് രാഷ്ട്രീയ ചർച്ചകൾ ഉണ്ടായിരുന്നില്ല എന്നായിരുന്നു സോനുവിന്റെ പ്രതികരണം.
Read also: ഹിന്ദുത്വവും ഐഎസ്ഐഎസും ഒന്നാണെന്ന് പറഞ്ഞിട്ടില്ല; സല്മാന് ഖുര്ഷിദ്