നവാഡ: കേന്ദ്ര സർക്കാരിന്റെ അഗ്‌നിപഥ് പദ്ധതിക്കെതിരെ രാജ്യത്ത് പ്രതിഷേധം ശക്‌തമാകുന്നു. ബിഹാറിലെ ജെഹാനാബാദ്, നവാഡ, സഹർസ എന്നിവിടങ്ങളിലും വിദ്യാർഥികൾ കടുത്ത പ്രതിഷേധത്തിലാണ്. പ്രതിഷേധത്തിനിടെ ബിജെപി എംഎൽഎ അരുണാ ദേവി ആക്രമിക്കപ്പെട്ടു.
അരുണായുടെ കാർ അക്രമികൾ തല്ലി തകർത്തു. എംഎൽഎ നവാഡയിൽ എത്തിയപ്പോഴായിരുന്നു ആക്രമണം. ബർസാലിഗഞ്ചിൽ നിന്ന് നവാഡ കോടതിയിലേക്ക് വരുന്നതിനിടെയാണ് എംഎൽഎ അരുണാ ദേവി ആക്രമിക്കപ്പെട്ടത്.
കല്ലും, മുളവടിയുമായി സമരക്കാർ വാഹനത്തിന് നേരെ ചീറി അടുക്കുകയായിരുന്നു. എംഎൽഎയും സ്‌റ്റാഫും വണ്ടിയിൽ ഇരിക്കെത്തന്നെ വാഹനം അടിച്ചു തകർത്തു. സംഭവത്തിൽ എംഎൽഎയുടെ അംഗരക്ഷകനും ഡ്രൈവർക്കും ഒരു പ്രവർത്തകനും പരിക്കേറ്റിട്ടുണ്ട്.
മുൻ മുഖ്യമന്ത്രിക്ക് പിന്നാലെയാണ് ബിജെപി എംഎൽഎയും ആക്രമിക്കപ്പെട്ടത്. നവാഡയിലെ ബിജെപി ഓഫിസിന് നേരെയും പ്രതിഷേധക്കാർ ആക്രമണം നടത്തി. സമരക്കാർ ഓഫിസ് അടിച്ചു തകർക്കുകയും തീയിടുകയും ചെയ്‌തു.
നേരത്തെ ബിഹാറിലെ ഭാബുവയിൽ പ്രതിഷേധക്കാർ ട്രെയിനിന് തീവെച്ചും ദേശീയ പാതകളിൽ തീയിട്ടും പ്രതിഷേധിച്ചിരുന്നു. പറ്റ്‌നയിൽ രാജധാനി എക്‌സ്‌പ്രസ് തടഞ്ഞാണ് പ്രതിഷേധം നടത്തിയത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
