മലപ്പുറം: സുന്നി യുവജന സംഘം മണ്ഡലം തലങ്ങളില്‍ നടത്തിയ ഇരുപത്തി നാല് മണിക്കൂര്‍ രഹ്‌നുമാ ക്യാംപിൽ പങ്കെടുത്ത അംഗങ്ങള്‍ സംബന്ധിക്കുന്ന ആമില സമര്‍പ്പണ സംഗമം മാർച്ച് 28ന് നടക്കും.
പട്ടിക്കാട് ജാമിഅയില്‍ വെച്ച് നടത്താന്‍ ജില്ലാ ട്രഷറർ അബ്‌ദുൽ ഖാദിര്‍ ഫൈസി കുന്നുംപുറത്തിന്റെ അധ്യക്ഷതയില്‍ ചേര്‍ന്ന ജില്ലാ ആമില സമിതിയാണ് തീരുമാനം കൈക്കൊണ്ടത്. സമര്‍പണ സംഗമത്തിന്റെ ഭാഗമായി 20ന് മുൻപ് എല്ലാ മണ്ഡലങ്ങളിലും തദ്‌കീർ സംഗമങ്ങള്‍ നടത്താനും തീരുമാനിച്ചു.
11ന് കാലത്ത് 9 മണിക്ക് കൊണ്ടോട്ടി സുന്നി മഹലില്‍ നടക്കുന്ന മണ്ഡലം തദ്‌കീർ സംഗമത്തില്‍ ഹസന്‍ സഖാഫി പൂക്കോട്ടൂര്‍ വിഷയാവതരണം നടത്തും. 14ന് നിലമ്പൂരിലും 16ന് മലപ്പുറം തൃപ്പനച്ചിയിലും വണ്ടൂരിലും 17ന് രാമപുരത്തും 19ന് വേങ്ങര, പെരിന്തല്‍മണ്ണ, പാണ്ടിക്കാട് എന്നിവിടങ്ങളിലും തദ്‌കീർ സംഗമങ്ങള്‍ നടത്തും; ഭാരവാഹികൾ അറിയിച്ചു.
ജില്ലാ ജനറല്‍ സെക്രട്ടറി സലീം എടക്കര ജില്ലാ ആമില സമിതി ഉൽഘാടനം ചെയ്‌തു. സയ്യിദ് മുത്തലിബ് തങ്ങള്‍, കെടി മൊയ്‌തീൻ ഫൈസി, അക്ബര്‍ മമ്പാട്, അബ്‌ദുറഹ്‌മാൻ യമാനി, സി ഇബ്‌റാഹീം ദാരിമി, പിപി സൈനുദ്ദീന്‍ ഫൈസി, മൂസ മാഹിരി വണ്ടൂര്‍, പികെ ലത്തീഫ് ഫൈസി എന്നിവരും ആമില സമിതിയിൽ പങ്കെടുത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
