തനിക്ക് ഇതുവരെ നീതി ലഭിച്ചില്ല, ഏക പ്രതീക്ഷ സർക്കാരിൽ; അനുപമ

By Team Member, Malabar News
Anupama's father has applied for anticipatory bail
Ajwa Travels

തിരുവനന്തപുരം: പേരൂർക്കടയിൽ കുഞ്ഞിനെ തട്ടിക്കൊണ്ട് പോയി ദത്ത് നൽകിയ കേസിൽ തനിക്ക് ഇതുവരെ നീതി ലഭിച്ചില്ലെന്ന് വ്യക്‌തമാക്കി അനുപമ. തനിക്ക് ഇനി പോലീസിൽ വിശ്വാസമില്ലെന്നും, സർക്കാരിലാണ് ഏക പ്രതീക്ഷയെന്നും അനുപമ മാദ്ധ്യമങ്ങളോട് വ്യക്‌തമാക്കി. അതേസമയം കുഞ്ഞിനെ വിട്ടുകിട്ടണമെന്ന ആവശ്യവുമായി അനുപമ സെക്രട്ടേറിയറ്റിന് മുന്നിൽ നടത്തുന്ന നിരാഹാര സമരം രാവിലെ 10 മണിയോടെ ആരംഭിച്ചു. ഇന്ന് വൈകുന്നേരം 5 മണി വരെയാണ് സമരം.

ശിശുക്ഷേമ സമിതി ദത്ത് നൽകിയ കുട്ടിയെ വിട്ടുകിട്ടാനായി നടത്തുന്ന നിയമപോരാട്ടത്തിന് ഒപ്പമാണ് ഇപ്പോൾ അനുപമ സമരവുമായി രംഗത്ത് വന്നിരിക്കുന്നത്. നിലവിൽ സൂചനാ സമരമാണ് നടത്തുന്നതെന്നും, ബാക്കി കാര്യങ്ങൾ പിന്നീട് തീരുമാനിക്കുമെന്നും അനുപമ വ്യക്‌തമാക്കി. കൂടാതെ സമരം ഏതെങ്കിലും രാഷ്‌ട്രീയ പാർട്ടിക്ക് എതിരെ നടത്തുന്നതല്ലെന്നും, പ്രശ്‌നം സർക്കാരിന് മുന്നിലേക്ക് കൊണ്ടുവരികയാണ് ലക്ഷ്യമെന്നും അനുപമ കൂട്ടിച്ചേർത്തു.

അതേസമയം സെക്രട്ടേറിയറ്റിന് മുന്നിൽ സമരം നടത്തുന്ന അനുപമയെ ആരോഗ്യവകുപ്പ് മന്ത്രി വീണ ജോർജ് ഫോണിൽ ബന്ധപ്പെട്ടു. കുഞ്ഞിനെ തിരികെ ലഭിക്കുന്നതിന് ആവശ്യമായ നടപടികൾ സ്വീകരിക്കുമെന്ന് മന്ത്രി ഉറപ്പ് നൽകുകയും ചെയ്‌തു. കൂടാതെ സംഭവത്തിൽ പാർട്ടി അനുപമക്ക് ഒപ്പമാണെന്ന് വ്യക്‌തമാക്കി സിപിഐഎം സംസ്‌ഥാന സെക്രട്ടറി എ വിജയരാഘവനും രംഗത്ത് വന്നിരുന്നു.

Read also: ജീവനും ധന്യയും ഓൺലൈനിൽ ഒന്നിച്ചു; സംസ്‌ഥാനത്തെ ആദ്യ ഡിജിറ്റൽ വിവാഹം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE