കൊല്ക്കത്ത: അണ്ടര് 20 ഫുട്ബോള് താരം അന്വര് അലിയോട് ഫുട്ബോള് കളി ഉപേക്ഷിക്കാന് ആവശ്യപ്പെടാന് ഒരുങ്ങുകയാണ് അഖിലേന്ത്യാ ഫുട്ബോള് ഫെഡറേഷന്. ഡോ.വെസ് പേസിന്റെ നേതൃത്വത്തിലുള്ള സമിതിയാണ് അന്വര് കളി തുടരുന്നത് അപകടമാണെന്ന് നിര്ദ്ദേശിച്ചത്.
മുഹമ്മദന്സ് സ്പോര്ട്ടിങ് താരമായ അന്വറിന് ജന്മനാ ഹൃദയ തകരാറുണ്ട്. കഴിഞ്ഞ ദിവസം സ്വകാര്യ ആശുപത്രിയില് പരിശോധനക്ക് വിധേയനായ അന്വറിന്റെ ചികിത്സാ റിപ്പോര്ട്ടുകള് ക്ലബ് ഫെഡറേഷന് അയച്ചു കൊടുത്തിരുന്നു. തുടര്ന്നാണ് ഫുട്ബോള് ഉപേക്ഷിക്കണമെന്ന നിര്ദ്ദേശം മുന്നോട്ട് വെച്ചത്. പഞ്ചാബ് താരമായ അന്വര് ഇന്ത്യയുടെ അണ്ടര് 17 ലോക കപ്പ് ടീമില് അംഗമായിരുന്നു.