ന്യൂഡെൽഹി: രാജ്യത്ത് ഇന്ന് മുതൽ കരസേനാ കമാൻഡർമാരുടെ യോഗം ആരംഭിക്കും. അതിർത്തി സുരക്ഷ അടക്കമുള്ള സുപ്രധാന വിഷയങ്ങൾ വിലയിരുത്തുന്നതിന്റെ ഭാഗമായാണ് ഇന്ന് യോഗം ആരംഭിക്കുക. ഡെൽഹിയിൽ ചേരുന്ന യോഗം ഈ മാസം 22ആം തീയതി വരെ തുടരും.
എല്ലാ വർഷവും ഏപ്രിൽ, ഒക്‌ടോബർ മാസങ്ങളിലാണ് സാധാരണയായി കരസേനാ കമാൻഡർമാരുടെ യോഗം നടക്കുന്നത്. കരസേനയിലെ ഉന്നത ഉദ്യോഗസ്‌ഥർ അതിർത്തിയിലെ സാഹചര്യം വിലയിരുത്തുകയും, യുദ്ധമേഖലകളിലെ തയാറെടുപ്പുകൾ പരിശോധിക്കുകയും ചെയ്യും.
കരസേനയിലെ ആധുനികവൽക്കരണം, ഡിജിറ്റിലൈസേഷൻ, പുതിയ സാങ്കേതിക വിദ്യകളുടെ പ്രയോഗം, ഇ-വാഹനങ്ങൾ വാങ്ങുന്നത് തുടങ്ങിയ വിഷയങ്ങൾ യോഗത്തിൽ ചർച്ചയാകും. ഏപ്രിൽ 21ന് പ്രതിരോധ മന്ത്രി രാജ്‌നാഥ് സിംഗ് കരസേന കമാൻഡർമാരുടെ യോഗത്തെ അഭിസംബോധന ചെയ്യും.
Read also: കെപിസിസി നേതൃയോഗങ്ങൾക്ക് ഇന്ന് തുടക്കം; സംഘടനാ തിരഞ്ഞെടുപ്പ് ചർച്ചയായേക്കും
