തൃശൂർ: കൊടകര, കോടാലിയിൽ ഗ്യാസ് ഏജൻസിയിൽ വൻ സ്ഫോടനം. ഗ്യാസ് സിലിണ്ടറുകൾ പൊട്ടിത്തെറിച്ചു തീപടർന്നു. സമീപത്തെ വ്യാപാര സ്ഥാപനങ്ങൾ തകർന്നു. ജീവനക്കാർ ഓടി പുറത്തിറങ്ങിയത് വൻ ദുരന്തം ഒഴിവാക്കി.
കോടാലിയിൽ ഗ്യാസ് അടുപ്പുകൾ വിൽക്കുകയും സർവീസ് ചെയ്യുകയും ചെയ്യുന്ന സ്ഥാപനത്തിലാണ് സ്ഫോടനം ഉണ്ടായത്. ഇവിടെ എട്ട് ഗ്യാസ് സിലിണ്ടറുകൾ ഉണ്ടായിരുന്നു, ഇതിൽ നാലെണ്ണമാണ് പൊട്ടിത്തെറിച്ചത്. കട പൂർണമായും കത്തി നശിച്ചു. ചാലക്കുടിയിൽ നിന്നും പുതുക്കാട് നിന്നും ഫയർ ഫോഴ്സ് സംഘം എത്തി.
അരമണിക്കൂർ നേരത്തെ പരിശ്രമത്തിന് ഒടുവിലാണ് തീയണക്കാനായത്. കടയിലെ ജീവനക്കാർ തീപിടുത്തം ഉണ്ടായ ഉടൻ തന്നെ പുറത്തേക്ക് ഓടിയതിനാൽ ആളപായം ഉണ്ടായില്ല.
Most Read: ലോകത്തിന് ഭക്ഷണം നൽകാൻ ഇന്ത്യ തയ്യാർ; പ്രധാനമന്ത്രി