മാഹി: പൂഴിത്തല ചിക്കൻ സ്റ്റാളിന് സമീപം നിർത്തിയിട്ട പൾസർ ബൈക്ക് മോഷ്ടിച്ച യുവാക്കൾ പോലീസിന്റെ പിടിയിൽ. കടമേരി സ്വദേശികളായ പുന്നോളി കുനിയിൽ രതീഷ് (36), ഇടച്ചേരി വീട്ടിൽ റിജാസ് (30) എന്നിവരെയാണ് അറസ്റ്റ് ചെയ്തത്. അറസ്റ്റിന് എസ്ഐ കെവി ഉമേഷ് നേതൃത്വം നൽകി.
പൂഴിത്തലയിൽ മൊബൈൽ ഷോപ്പ് നടത്തുന്ന അബ്ദുള്ളയുടെ ബൈക്കാണ് ഇവർ മോഷ്ടിച്ചത്. ഫെബ്രുവരി 18നാണ് ബൈക്ക് കളവ് പോയത്. വ്യാജ നമ്പർ ഉപയോഗിച്ച് ബൈക്ക് ഓടിച്ച ഇവർ വാഹന പരിശോധനക്കിടെ കുടുങ്ങുകയായിരുന്നു.
Read also: ബോംബ് ഭീഷണി കേസ്; സച്ചിൻ വാസെയെ സർവീസിൽ നിന്ന് പുറത്താക്കും