കണ്ണൂര്: കൂത്തുപറമ്പ് വലിയവെളിച്ചത്ത് കത്തിയ കാറിനു സമീപം യുവാവിന്റെ മൃതദേഹം കണ്ടെത്തി. മാലൂര് മള്ളന്നൂര് സുഷമാലയത്തില് സുധീഷിന്റെ(37) മൃതദേഹമാണ് കണ്ടെത്തിയത്. ആത്മഹത്യയാണെന്നാണ് പോലീസിന്റെ പ്രാഥമിക നിഗമനം.
ഇന്ന് പുലര്ച്ചെ 6.45 ഓടെയാണ് പ്രദേശവാസികള് കാറും സമീപത്ത് യുവാവും അഗ്നിക്കിരയാകുന്നത് കണ്ടത്. ഉടന് തന്നെ ഫയര്ഫോഴ്സിനെ അറിയിച്ച് തീയണക്കുകയും ഇയാളെ ആശുപത്രിയില് എത്തിക്കുകയും ആയിരുന്നു. എന്നാല് ജീവന് രക്ഷിക്കാനായില്ല.
തലശേരി ഡിവൈഎസ്പി സുരേഷിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി പരിശോധന നടത്തി. സുധീഷിന്റേത് ആത്മഹത്യയാണെന്നാണ് പോലീസിന്റെ പ്രാഥമിക നിഗമനം. യുവാവിന്റെ മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുകൊടുക്കും.
പഴയ നിരത്തില് ജിപ്സം ബോര്ഡുകളും മറ്റും വില്ക്കുന്ന പിആര് അസോസിയേറ്റ്സ് എന്ന സ്ഥാപനം നടത്തി വരികയായിരുന്നു മരണപ്പെട്ട സുധീഷ്.
Malabar News: ‘പൊന്നാനി മതനിരപേക്ഷത കാത്തുസൂക്ഷിച്ച മണ്ണ്’; പ്രതികരണവുമായി ടിഎം സിദ്ദീഖ്