കാസർഗോഡ്: കുമ്പള ആരിക്കാടി പുഴയില് കാണാതായ മൂന്നാമത്തെ ആളുടെയും മൃതദേഹം കണ്ടെത്തി. കർണാടക പുത്തൂർ സ്വദേശി നിരഞ്ജന്റെ മൃതദേഹമാണ് കണ്ടെത്തിയത്. ഒൻപതാം ക്ളാസ് വിദ്യാർഥിയാണ് നിരഞ്ജൻ.
സുല്യ സ്വദേശികളും സഹോദരങ്ങളുമായ കീർത്തൻ (19), കാർത്തിക് (18) എന്നിവരുടെ മൃതദേഹങ്ങൾ ഇന്നലെ കണ്ടെത്തിയിരുന്നു. ഇന്നലെ വൈകിട്ട് നാല് മണിയോടെ ആയിരുന്നു അപകടം.
കുമ്പളയിൽ ഒരു കല്യാണത്തിൽ പങ്കെടുക്കാനായാണ് മൂന്നു പേരും കുടുംബത്തോടൊപ്പം എത്തിയത്. തുടർന്ന് മൂവരും ആരിക്കാടി പാറപ്പുറത്തിന് സമീപത്തുള്ള പുഴയിൽ കുളിക്കാൻ ഇറങ്ങുകയും പിന്നാലെ മുങ്ങിത്താഴുകയും ആയിരുന്നു.
മൽസ്യ തൊഴിലാളികൾ നടത്തിയ തെരച്ചിലിലാണ് കീർത്തന്റെയും കാർത്തിക്കിന്റെയും മൃതദേഹം കണ്ടെത്തിയിത്.
Malabar News: ടെസ്റ്റ് പോസിറ്റിവിറ്റി നിരക്ക് ഉയരുന്നു; മലപ്പുറത്ത് ആശങ്ക