ചക്കരക്കല്ല്: ഓടത്തിൽപീടിക ചാക്യാളിയിൽ വീടിന് നേരെ ബോംബേറ്. വീട്ടുപരിസരത്ത് നിർത്തിയ വാഹനങ്ങൾ തകർത്തു. ചാക്യാളിയിലെ ശിവഗംഗയിൽ കെപി ദാസന്റെ വീടിന് നേരെയാണ് ബോംബേറ് ഉണ്ടായത്. ഞായറാഴ്ച രാത്രി എട്ടോടെയാണ് സംഭവം. ബൈക്കുകളിൽ എത്തിയ സംഘമാണ് ആക്രമണം നടത്തിയത്. ബോംബേറിൽ വീടിന്റെ മുൻഭാഗത്തെ ജനൽ ഗ്ളാസുകളും കട്ടിളയും തകർന്നു.
വീടിന് സമീപം നിർത്തിയിട്ട ഗുഡ്സ് ഓട്ടോയുടെ ഗ്ളാസും ബൈക്കിന്റെ സീറ്റും ആക്രമിസംഘം തകർത്തു. ഒരു ബൈക്ക് ഇവർ തട്ടികൊണ്ട് പോകുകയും ചെയ്തു. സംഭവത്തെ തുടർന്ന് ചക്കരക്കല്ല് പോലീസ് സ്ഥലത്തെത്തി പരിശോധന നടത്തി.
Read also: വിജയത്തിന് പിന്നാലെ ജോസ് കെ മാണിക്കെതിരെ ആരോപണവുമായി മാണി സി കാപ്പൻ