കടവത്തൂർ: ബസ് ജീവനക്കാരെ മർദ്ദിച്ചതിൽ പ്രതിഷേധിച്ച് കടവത്തൂർ- തലശ്ശേരി റൂട്ടിൽ സ്വകാര്യ ബസുകൾ മിന്നൽ പണിമുടക്ക് നടത്തി. കടവത്തൂർ ടൗണിൽ തിങ്കളാഴ്ച രാവിലെയാണ് സംഭവം. കടവത്തൂർ- തലശ്ശേരി റൂട്ടിലോടുന്ന വീൽ പാലസ് ബസിലെ ഡ്രൈവറെയും കണ്ടക്ടറേയും ഒരു സംഘം ആളുകൾ ചേർന്ന് മർദ്ദിക്കുകയായിരുന്നു.
കണ്ടക്ടറുടെ പണമടങ്ങുന്ന ബാഗും അക്രമികൾ വലിച്ചെറിഞ്ഞു. റോഡരികിൽ കാർ നിർത്തിയിട്ടതുമായി ബന്ധപ്പെട്ട വാക്കുതർക്കം ഉണ്ടാവുകയും ബസ് അടുത്ത ട്രിപ്പ് വരുമ്പോൾ തടഞ്ഞുനിർത്തി മർദ്ദിച്ചെന്നുമാണ് പരാതി. ബസ് ഡ്രൈവർ നിജേഷ് (35), കണ്ടക്ടർ രാജേഷ് (31) എന്നിവരെ പാനൂർ ഗവ.ആശുപത്രിയിൽ പ്രവേശിപ്പിച്ചു. വിദ്യാർഥികൾ ഉൾപ്പടെയുള്ള യാത്രക്കാർ പണിമുടക്ക് കാരണം വഴിയിലായി.
സംഭവത്തിൽ 48ഓളം ആളുകളുടെ പേരിൽ പോലീസ് കേസെടുത്തു.
Also Read: പോത്തൻകോട് വധക്കേസ്; കൊല്ലാൻ ഉപയോഗിച്ച വെട്ടുകത്തി കണ്ടെത്തി