ന്യൂഡെൽഹി: കോൺഗ്രസ് നേതാവ് കാർത്തി ചിദംബരത്തിനും ഭാര്യക്കും എതിരായ നികുതി വെട്ടിപ്പ് കേസിൽ ആദായനികുതി വകുപ്പിന് നോട്ടീസ് അയക്കാൻ സുപ്രീം കോടതിയുടെ ഉത്തരവ്. ഏഴ് കോടി രൂപയുടെ നികുതിവെട്ടിപ്പ് കേസിലാണ് കാർത്തിയും ഭാര്യയും കുറ്റവിമുക്‌തരാക്കണം എന്നാവശ്യപ്പെട്ട് സുപ്രീം കോടതിയെ സമീപിച്ചത്. രണ്ടാഴ്‌ചക്കകം നിലപാട് വ്യക്‌തമാക്കാനാണ്‌ ആദായനികുതി വകുപ്പിനോട് സുപ്രീം കോടതി നിർദേശിച്ചത്.
ജനപ്രതിനിധികൾക്ക് എതിരെയുള്ള കേസുകൾ കൈകാര്യം ചെയ്യുന്ന പ്രത്യേക കോടതിയിൽ കേസ് പരിഗണിച്ചതിനെയും കാർത്തി ചിദംബരം ചോദ്യം ചെയ്‌തു. മുൻ കേന്ദ്രമന്ത്രി കൂടിയായിരുന്ന പി ചിദംബരത്തിന്റെ മകനാണ് കാർത്തി ചിദംബരം.
നിലവിൽ തമിഴ്‌നാട്ടിലെ ശിവഗംഗ മണ്ഡലത്തിൽ നിന്നുള്ള കോൺഗ്രസ് എംപിയാണ് കാർത്തി. എന്നാൽ കേസിന് ആസ്‌പദമായ സംഭവങ്ങൾ നടന്ന സമയത്ത് താൻ ജനപ്രതിനിധി അല്ലെന്നാണ് കാർത്തി സുപ്രീം കോടതിയെ അറിയിച്ചത്.
അദ്ദേഹത്തിനും ഭാര്യ ശ്രീനിധിക്കും എതിരെ 2014-15 വർഷത്തെ സാമ്പത്തിക ഇടപാടുകളുടെ അടക്കം രേഖകൾ കൃത്യമായി കാണിച്ചില്ലെന്ന് ചൂണ്ടിക്കാട്ടിയാണ് കേസെടുത്തത്. 2018ലാണ് കേസ് രജിസ്‌റ്റർ ചെയ്‌തത്‌. ഏഴ് കോടിയോളം രൂപയുടെ വെട്ടിപ്പ് നടന്നെന്നാണ് ആദായനികുതി വകുപ്പ് ആരോപിക്കുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
