മലപ്പുറം: ചങ്ങരംകുളത്ത് യുവാവിനെ കുത്തിക്കൊന്ന കേസിൽ രണ്ട് പ്രതികൾകൂടി അറസ്‌റ്റിലായി. ഒന്നാം പ്രതി കോലിക്കര സ്വദേശി ഷമാസിന്റെ സഹോദരൻ ഷെഫീക്ക്(19), കല്ലുംപുറം സ്വദേശി പാരിക്കുന്നത്ത് ദാവൂദ് ഹക്കീം(21) എന്നിവരാണ് പിടിയിലായത്. ഹക്കീമിനെ പെരുമ്പിലാവിലെ ബന്ധു വീട്ടിൽ നിന്നും ഷെഫീക്കിനെ പാലക്കാട് ജോലി സ്‌ഥലത്തു നിന്നുമാണ് കസ്‌റ്റഡിയിൽ എടുത്തത്. ഇതോടെ കേസിൽ 5 പേർ അറസ്‌റ്റിലായി. സംഭവത്തിൽ ഒരാളെ കൂടി പിടികൂടാനുണ്ട്.
ഫെബ്രുവരി 9നാണ് കോലിക്കര സ്വകാര്യ സ്‌കൂളിന് സമീപത്ത് വച്ച് പാവിട്ടപ്പുറം മുക്കുന്നത്ത് അറക്കൽ മൊയ്‌തുണ്ണിയുടെ മകൻ മുനീബ് (25)ന് കുത്തേറ്റത്. നെഞ്ചിലും വയറ്റിലും കുത്തേറ്റ മുനീബിനെ ചങ്ങരംകുളത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
Read also: വിശ്വാസ വൈകൃതങ്ങൾ മൂലമുള്ള ക്രൂരതകൾ ജാഗ്രത ആവശ്യപ്പെടുന്നു; അബ്‌ദുറഹ്‌മാൻ ദാരിമി
