തിരുവനന്തപുരം: നികുതി വെട്ടിച്ച് സംസ്‌ഥാനത്തെത്തിച്ച ഒരു കോടി രൂപയുടെ ബീഡി പിടിച്ചെടുത്തു. നികുതി വെട്ടിച്ച് തമിഴ്‌നാട്ടില്‍ നിന്നും കേരളത്തില്‍ എത്തിച്ച ബീഡിയാണ് സംസ്‌ഥാന ജിഎസ്‍ടി ഉദ്യോഗസ്‌ഥര്‍ പിടികൂടിയത്. കൊല്ലം, പത്തനംതിട്ട, ആലപ്പുഴ ജില്ലകളിൽ നിന്നാണ് ബീഡി പിടികൂടിയത്.
നാൽപ്പതോളം ഉദ്യോഗസ്‌ഥര്‍ ചേര്‍ന്ന് നടത്തിയ പരിശോധനയിലാണ് ഇവ കണ്ടെത്തിയത്. ആറു മാസത്തെ നിരീക്ഷണത്തിനു ശേഷമായിരുന്നു റെയ്‌ഡ്‌. മൂന്നു വര്‍ഷത്തിനിടെ ഇത്തരത്തിൽ ഇരുപത് കോടിയോളം രൂപ വില വരുന്ന ബീഡി സംസ്‌ഥാനത്ത് എത്തിച്ച് വില്‍പ്പന നടത്തിയതായിട്ടാണ് സൂചന. നികുതി വെട്ടിപ്പ് നടത്തിയവരില്‍ നിന്നും പിഴ ഉള്‍പ്പെടെ ചുമത്തിയതായി ഉദ്യോഗസ്‌ഥര്‍ പറഞ്ഞു.
Also Read: കോവിഡ് മാനദണ്ഡ ലംഘനം; നടൻ മമ്മൂട്ടിക്കെതിരെ കേസെടുത്തു
