തിരുവനന്തപുരം: കെഎസ്‌യുവിന്റെ സെക്രട്ടറിയേറ്റ് മാർച്ചിൽ സംഘർഷം. പോലീസും കെഎസ്‌യു പ്രവർത്തകരും തമ്മിൽ ഏറ്റുമുട്ടി. നിരവധിപേർക്ക് സംഘർഷത്തിൽ പരിക്കേറ്റു.
സെക്രട്ടറിയേറ്റ് മതിൽ ചാടിക്കടക്കാൻ ശ്രമിച്ച കെഎസ്‌യു പ്രവർത്തകരെ പോലീസ് തടഞ്ഞു. പോലീസിന് നേരെ കെഎസ്‌യു പ്രവർത്തകർ കല്ലെറിഞ്ഞു. തുടർന്ന് പ്രവർത്തകർക്ക് നേരെ പോലീസ് ലാത്തിവീശി. നിരവധി പേർക്ക് സംഘർഷത്തിൽ പരിക്കേറ്റു. കെഎസ്‌യു വൈസ് പ്രസിഡണ്ട് സ്‌നേഹ ഉൾപ്പടെയുള്ള വനിതാ പ്രവർത്തകർക്കും പരിക്കേറ്റിട്ടുണ്ട്.
പിൻവാതിൽ നിയമനങ്ങളിലും താൽക്കാലികരെ സ്‌ഥിരപ്പെടുത്തിയതിലും പ്രതിഷേധിച്ച് സെക്രട്ടറിയേറ്റിൽ നിരാഹാര സത്യാഗ്രഹമിരിക്കുന്ന യൂത്ത് കോൺഗ്രസ് നേതാക്കൾക്കും ഉദ്യോഗാർഥികൾക്കും ഐക്യദാർഢ്യം പ്രഖ്യാപിച്ചാണ് സെക്രട്ടറിയേറ്റിലേക്ക് കെഎസ്‌യു പ്രവർത്തകർ മാർച്ച് നടത്തിയത്.
Read also: പുതുച്ചേരി ലഫ്‌റ്റനന്റ് ഗവര്‍ണറായി തമിഴിസൈ സൗന്ദരരാജൻ സ്‌ഥാനമേറ്റു
