തൃശൂർ: വനിതാ നേതാവിന്റെ മോര്‍ഫ് ചെയ്‌ത അശ്‌ളീല വീഡിയോ പ്രചരിപ്പിച്ചെന്ന പരാതിയില്‍ മൂന്ന് യൂത്ത് കോണ്‍ഗ്രസ് നേതാക്കളുടെ പേരില്‍ കേസ്. മതിലകം പോലീസ് ആണ് ഇവർക്കെതിരെ കേസെടുത്തത്.
യൂത്ത് കോൺഗ്രസ് സംസ്‌ഥാന ജനറല്‍ സെക്രട്ടറി ശോഭ സുബിന്‍, നാട്ടിക നിയോജകമണ്ഡലം പ്രസിഡണ്ട് സുമേഷ് പാനാട്ടില്‍, മണ്ഡലം ഭാരവാഹി അഫ്‌സല്‍ എന്നിവർക്ക് എതിരെയാണ് കേസ്. ശോഭ സുബിന്‍ നിയമസഭാ തിരഞ്ഞെടുപ്പില്‍ കയ്‌പമംഗലം മണ്ഡലത്തിലെ യുഡിഎഫ് സ്‌ഥാനാർഥിയായിരുന്നു.
കയ്‌പമംഗലത്തെ യൂത്ത് കോണ്‍ഗ്രസ് വനിതാ നേതാവാണ് പരാതി നല്‍കിയത്. തന്റെ പേരും പദവിയും സഹിതം മോര്‍ഫ് ചെയ്‌ത അശ്‌ളീല വീഡിയോ സോഷ്യൽ മീഡിയയിലൂടെ പ്രചരിപ്പിച്ചുവെന്നാണ് ആരോപണം. ഐടി നിയമപ്രകാരമാണ് എഫ്ഐആര്‍ രജിസ്‌റ്റർ ചെയ്‌തത്‌.
Most Read: ഗവർണർമാരുടെ അധികാര ദുർവിനിയോഗം; ചർച്ചക്കൊരുങ്ങി പ്രതിപക്ഷ മുഖ്യമന്ത്രിമാർ
