തിരുവനന്തപുരം: സിപിഎം ജില്ലാ കമ്മിറ്റി അംഗവും മൈനിങ് കോർപറേഷൻ ചെയർമാനുമായ മടവൂർ അനിലിനെതിരെ പാർട്ടി അന്വേഷണം പ്രഖ്യാപിച്ചു. വിഴിഞ്ഞം തുറമുഖത്തേക്ക് പാറ എത്തിക്കുന്ന കരാറുകാരനിൽ നിന്ന് പണം വാങ്ങിയെന്ന പരാതിയെ തുടർന്നാണ് നടപടി. അന്വേഷണത്തിന് പ്രത്യേക കമ്മീഷനെ നിയോഗിച്ചിട്ടുണ്ട്.
എന്നാൽ, പരാതി പച്ചക്കള്ളമാണെന്നും യൂണിയൻ രൂപീകരിച്ചതിന്റെ വിരോധമാണ് ഇതിന് പിന്നിലെന്നുമാണ് മടവൂർ അനിലിന്റെ പ്രതികരണം. രഞ്‌ജിത്ത്‌ ഭാസി എന്നയാളാണ് അനിലിനെതിരെ പരാതി നൽകിയത്. വിഴിഞ്ഞം തുറമുഖ പദ്ധതിക്കായി പാറയെത്തിക്കുന്ന കരാറുകാരനായ രഞ്‌ജിത്ത്‌ ഭാസിയുടെ പക്കൽ നിന്ന് അനിൽ പണം ആവശ്യപ്പെട്ടെന്നായിരുന്നു പരാതി.
നഗരൂരിലെ ക്വാറിയിൽ നിന്ന് വിഴിഞ്ഞത്തേക്ക് പാറ കൊണ്ടുപോകുന്ന ചില ലോറിക്കാർ കൂടുതൽ തുക ആവശ്യപ്പെടുന്നു. അധികം വാങ്ങുന്ന തുക നേതാവിനുള്ള കമ്മീഷനാണെന്നാണ് പരാതിയിൽ പറയുന്നത്. കിളിമാനൂർ ഏരിയയിൽ നിന്നുള്ള നേതാവാണ് മടവൂർ അനിൽ.
ഏരിയ കമ്മിറ്റി പരാതി ജില്ലാ നേതൃത്വത്തിന് കൈമാറി. തുടർന്നാണ് പരാതി അന്വേഷിക്കാൻ ജില്ലാ സെക്രട്ടറിയേറ്റ് അംഗം ബിപി മുരളിയുടെ നേതൃത്വത്തിലുള്ള മൂന്നംഗ കമ്മീഷനെ സിപിഎം ചുമതലപ്പെടുത്തിയത്. വി ജോയി എംഎൽഎ, ആർ രാമു എന്നിവരാണ് കമ്മീഷനിലെ മറ്റ് അംഗങ്ങൾ. ഒരു മാസത്തിനകം പരാതി അന്വേഷിച്ച് റിപ്പോർട് നൽകണമെന്നാണ് നിർദ്ദേശം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
