വയനാട്: തിരഞ്ഞെടുപ്പിൽ പാർട്ടിക്കുണ്ടായ പരാജയത്തിന് പിന്നാലെ ശ്രേയാംസ്‌ കുമാറിനെതിരെ എൽജെഡിയിൽ പൊട്ടിത്തെറി. തർക്കത്തെ തുടർന്ന് നാല് അംഗങ്ങൾ പാർട്ടി സംസ്‌ഥാന നേതൃത്വത്തിൽ നിന്നും രാജിവെച്ചു. തിരഞ്ഞെടുപ്പ് തോൽവിയുടെ ഉത്തരവാദിത്വം ഏറ്റെടുത്ത് ശ്രേയാംസ്‌ കുമാർ രാജിവെക്കണം എന്ന ആവശ്യവും ഉയരുന്നുണ്ട്.
ഓൺലൈനായി നടത്തിയ സംസ്‌ഥാന സെക്രട്ടറിയേറ്റ് യോഗത്തിലാണ് അംഗങ്ങളുടെ രാജി പ്രഖ്യാപനം. പാർട്ടി ജനറൽ സെക്രട്ടറിമാരായ ഷേക് പി ഹാരിസ്, വി സുരേന്ദ്രൻ പിള്ള, വൈസ് പ്രസിഡണ്ട് എ ശങ്കരൻ, പാർലമെന്ററി ബോർഡ് ചെയർമാൻ ചാരുപാറ രവി എന്നിവരാണ് രാജിവെച്ചത്.
രാജ്യസഭാ സ്‌ഥാനത്തിരുന്ന് മൽസരിച്ചിട്ടും പരാജയപ്പെട്ട ശ്രേയാംസ്‌ കുമാർ തോൽവിയുടെ ഉത്തരവാദിത്വം ഏറ്റെടുക്കണമെന്നാണ് അംഗങ്ങളുടെ ആവശ്യം. വിമർശനം കടുത്തതോടെ എംവി ശ്രേയാംസ്‌ കുമാർ ഓൺലൈൻ യോഗത്തിൽ നിന്നും ഇറങ്ങി പോയി.
Read Also: സംസ്‌ഥാനത്ത്‌ കോവിഡ് ചികിൽസാ മാർഗരേഖ പുതുക്കി
