തിരുവനന്തപുരം : കോവിഡ് വാക്സിൻ സ്വീകരിച്ച ശേഷം ലഭിക്കുന്ന വാക്സിനേഷൻ സർട്ടിഫിക്കറ്റിൽ കൂടുതൽ വിവരങ്ങൾ ഉൾപ്പെടുത്തണമെന്ന ആവശ്യം കേന്ദ്രസർക്കാർ പരിഗണിക്കണമെന്ന് വ്യക്തമാക്കി ഹൈക്കോടതി. വാക്സിന്റെ പൂർണമായ പേര്, സ്വീകരിച്ച ആളുടെ പാസ്പോർട് നമ്പർ എന്നിവ കൂടി വാക്സിനേഷൻ സർട്ടിഫിക്കറ്റിൽ ഉൾപ്പെടുത്തണമെന്നാണ് ഹൈക്കോടതി ആവശ്യപ്പെട്ടത്.
സൗദിയിൽ ജോലി ചെയ്യുന്ന മലപ്പുറം സ്വദേശി റഹിം പട്ടർകടവനും കേരള മുസ്ലിം കൾചറൽ സെന്റർ വൈസ് പ്രസിഡണ്ട് മുസ്തഫ വടക്കൻപറമ്പിലും നൽകിയ ഹരജിയിലാണ് ഹൈക്കോടതിയുടെ നിർദേശം. വാക്സിനേഷൻ സർട്ടിഫിക്കറ്റിൽ ഓക്സ്ഫഡ്-അസ്ട്രാസെനക കോവിഡ്19 വാക്സിൻ എന്ന മുഴുവൻ പേരും രേഖപ്പെടുത്തണമെന്നാണ് ഹരജിയിൽ ആവശ്യപ്പെട്ടിരുന്നത്.
വാക്സിൻ സ്വീകരിച്ച ശേഷം വിദേശത്തേക്ക് യാത്ര ചെയ്യേണ്ട ആളുകൾക്ക് വാക്സിനേഷൻ സർട്ടിഫിക്കറ്റിൽ പാസ്പോർട് നമ്പർ ഉൾപ്പടെയുള്ളവ ആവശ്യമാണ്. ഈ സാഹചര്യത്തിലാണ് ഹരജിക്കാരൻ ഹൈക്കോടതിയെ സമീപിച്ചത്.
Read also : മികച്ച പ്രേക്ഷകാഭിപ്രായം നേടി ‘ഓത്ത്’ ഫസ്റ്റ് ഷോസ് ഒടിടിയിൽ തുടരുന്നു