ചെന്നൈ: തമിഴ്‌നാട്ടിലെ സേലത്ത് കണ്ടെയ്‌നർ ലോറി നിയന്ത്രണം വിട്ട് അപകടം. സേലം ധർമ്മപുരി ദേശീയപാതയിലാണ് അപകടമുണ്ടായത്. ബൈക്ക് അപകടത്തെ തുടർന്ന് നിർത്തിയിട്ടിരുന്ന വാഹനങ്ങൾക്ക് പിന്നിലേക്ക് ലോറി നിയന്ത്രണം വിട്ട് ഇടിച്ചു കയറുകയായിരുന്നു.
Also Read: പ്രക്ഷോഭം ശക്‌തം; ടോൾ ബൂത്തുകൾ പിടിച്ചെടുത്ത് കർഷകർ
ലോറി ഇടിച്ചതിനെ തുടർന്ന് ചെറുതും വലുതുമായ 16ഓളം വാഹനങ്ങൾ തകർന്നിട്ടുണ്ട്. ഇരുപതോളം പേർക്ക് പരിക്കേറ്റു. ഇവരെ സമീപത്തെ ആശുപത്രിയിലേക്ക് മാറ്റി. അപകടത്തിൽ നാല് പേർ മരിച്ചു. രക്ഷാ പ്രവർത്തനങ്ങൾ പുരോഗമിക്കുകയാണ്. ദേശീയപാതയിൽ വാഹന ഗതാഗതം തടസപ്പെട്ടിട്ടുണ്ട്.
